অসম আৰক্ষীৰ সঞ্চালক প্ৰধান কুলধৰ শইকীয়াই সোমবাৰে কয় যে তেওঁ আলফা স্বাধীনত যুৱক সকলে যোগদান কৰিবলৈ লোৱা বিষয়টোত সতৰ্ক থাকিবলৈ সকলোবোৰ জিলাৰ আৰক্ষী অধীক্ষকসকলক কঠোৰ নিৰ্দেশ দিছে।
গুৱাহাটীত সংবাদ মাধ্যমৰ আগত বক্তৱ্য ৰাখি শইকীয়াই কয়, ‘’মই লগতে বিশেষ শাখাক সতৰ্ক থাকিবলৈ নিৰ্দেশ দিয়াৰ উপৰি তেওঁলোকে এনেকুৱা কোনো তথ্য পালেই ব্যৱস্থা গ্ৰহণ কৰিবলৈ কোৱা হৈছে।‘’
তদুপৰি, অসম আৰক্ষীৰ সঞ্চালক প্ৰধানগৰাকীয়ে জিলাৰ আৰক্ষী প্ৰশাসনক তেওঁলোকৰ সংশ্লিষ্ট জিলাসমূহত আলফাত যোৱাৰ কোনো তথ্য যদি পায় তেনেহ’লে তাক পৰীক্ষা কৰি চাবলৈ নিৰ্দেশ দিয়া হৈছে।
শইকীয়াই লগতে কয় যে এইক্ষেত্ৰত অসম আৰক্ষীয়ে সহযোগ বিচাৰি অৰুণাচল আৰু নাগালেণ্ড আৰক্ষীৰ সৈতে যোগাযোগ কৰিছে।
‘’ মই অৰুণাচল আৰক্ষী আৰু নাগালেণ্ড আৰক্ষীৰ সৈতে তেওঁলোকৰ হাতত আলফাত যোগদান সম্পৰ্কীয় কিবা তথ্য আছে যদি ব্যৱস্থা গ্ৰহণ কৰাৰ বাবে যোগাযোগ কৰিছিলো আৰু সেই বিষয়ে অসম আৰক্ষীক জনাবলৈ অনুৰোধ কৰিছিলো,’’-শইকীয়াই কয়।
উল্লেখযোগ্য যে শেহতীয়াকৈ আলফা স্বাধীনৰ মুখ্য সেনাধ্যক্ষ পৰেশ বৰুৱাৰ ভতিজাক মুন্না বৰুৱাকে ধৰি বহু যুৱকে আলফাত যোগদান কৰিছে।
আৰক্ষী সঞ্চালক প্ৰধানগৰাকীয়ে কয় যে তেওঁৰ বিভাগে পঞ্চায়ত নিৰ্বাচনৰ সময়ত ৰাজ্যখনত উদ্ভৱ হ’ব পৰা যিকোনো অপ্ৰীতিকৰ পৰিস্থিতিৰ সৈতে মোকাবিলা কৰিবলৈ সাজু আছে।