ডিব্ৰুগড় আৰক্ষীয়ে এখন টিভিএছ ম’পেড উপহাৰ দিলে জোনমণি গগৈক।
উল্লেখ্য যে, কিছুদিন পূৰ্ব ডিব্ৰুগড়ৰ জিলাৰ জোনমণি গগৈ নামৰ যুৱতী গৰাকী বাই-চাইকেলেৰে পাচলি বিক্ৰী থকাৰ অৱস্থাত ফ’টোসহ চ’ছিয়েল মিডিয়াত ভাইৰেল হৈ পৰিছিল।
ইয়াৰ লগে লগে জোনমণিয়ে চাইকেলেৰ পাচলি বিক্ৰী কৰাৰ বাতৰি বিভিন্ন সংবাদ মাধ্যমত প্ৰচাৰ লাভ কৰে।
এই বাতিৰ পোৱাৰ পিছতে ডিব্ৰুগড়ৰ উপ আৰক্ষী অধীক্ষক(মুখ্য কাৰ্যালয়) পল্লৱী মজুমদাৰে জোনমণি গগৈৰ ঘৰত উপস্থিত হৈ এখন ম’পেডখন উপহাৰ দিয়ে।
জোনমণি গগৈ ঘৰ ডিব্ৰুগড় জিলাৰ বগীবিলৰ সাফাকাটিৰ ঘগৰা গাঁৱত।
জোনমণিয়ে ল’কডাউনৰ সময়ছোৱাত ডিব্ৰুগড়ৰ বৃহত্তৰ বগীবিল অঞ্চলৰ বিভিন্ন গাঁৱত চাইকেলত পাচলি বুজাই কৰি বিক্ৰী কৰি আহিছে।
‘ডিব্ৰুগড় আৰক্ষীৰ ওচৰত মই কৃতজ্ঞ। এইখনে বিভিন্ন অঞ্চলত পাচলি বিক্ৰী কৰাত মোক সহায় কৰিব।’ জোনমণিয়ে কয়।
‘আমি সংবাদ মাধ্যমৰ যোগেদি এই খবৰ পাওঁ আৰু ডিব্ৰুগড় আৰক্ষী অধীক্ষ শ্ৰীজিত টি আৰু আমি তাইক সহায় কৰাৰ সিদ্ধান্ত লওঁ।’ উপ আৰক্ষী অধীক্ষক মজুমদাৰে কয়।
‘তাই আমাৰ পৰা আৰ্থিক সাহায্য গ্ৰহণ কৰিবলৈ অস্বীকাৰ কৰিছিল। তাই স্বাভিমানী আৰু আমাৰ পৰা কোনো সহায় বিচৰা নাছিল, কিন্তু আমিহে তাইৰ সহায় হোৱাকৈ এখন ম’পেড দিয়াৰ সিদ্ধান্ত লওঁ।’ মজুমদাৰে লগতে কয়।
“তাইক লৈ আমি গৰ্বিত আৰু তাই আন বহুতৰ বাবে প্ৰকৃতাৰ্থতে অনুপ্ৰেৰণাৰ উৎস।’ ডি এছ পি গৰাকীয়ে কয়।
আনহাতে ডিব্ৰুগড় হনুমনবক্স সুৰজমল কানৈ মহাবিদ্যালয় অধ্যক্ষ ডঃ শশী কান্ত শইকীয়াই জোনমিণৰ উচ্চ শিক্ষাৰ বাবে আৰ্থিক সহায় আগবঢ়োৱাৰ ইচ্ছা প্ৰকাশ কৰিছে।
