দিচপুৰ মহাবিদ্যালয়ৰ গৱেষণা, উদ্ভাৱন আৰু সম্প্ৰসাৰণ কোষে দেওবাৰে (৫ জুনত) বিশ্ব পৰিৱেশ দিৱস এক ব্যৱহাৰিক উপায়েৰে উদযাপন কৰে য’ত বৃহত্তৰ গণেশগুৰি অঞ্চলৰ সকলো অংশীদাৰে সক্ৰিয়ভাৱে অংশগ্ৰহণ কৰে।
এনচিচি কেডেট, এনএছএছ স্বেচ্ছাসেৱক, দিচপুৰ মহাবিদ্যালয় ছাত্ৰ সন্থাৰ কাৰ্য্যালয়, গোপাল বড়ো উচ্চতৰ মাধ্যমিক বিদ্যালয়ৰ এনচিচি কেডেট আৰু মহাবিদ্যালয়খনৰ সাধাৰণ শিক্ষাৰ্থীসকলৰ লগতে শিক্ষক সদস্য, দিচপুৰ মহিলা সমিতি, কছাৰী বস্তি মহিলা সমিতি আৰু স্থানীয় বিভিন্ন সংগঠনৰ উপস্থিতিত গোপাল বড়ো বিদ্যালয়ৰ খেলপথাৰত দিনজোৰা কাৰ্যসূচীৰে বিশ্ব পৰিৱেশ দিৱস পালন কৰে।
তেওঁলোকে বৃহত্তৰ গণেশগুৰি অঞ্চলৰ বিভিন্ন স্থানত লিফলেট আৰু পোষ্টাৰ বিতৰণ কৰি নাগৰিকসকলক ঠাইখন পৰিষ্কাৰ আৰু পৰিচ্ছন্ন কৰি ৰাখিবলৈ সজাগতা সৃষ্টি কৰে।
মহাবিদ্যালয়খনে ক্ষুদ্ৰ বিক্ৰেতাসকলক মৰাপাটৰ মোনা প্ৰদান কৰে আৰু তেওঁলোকক সকলো ধৰণৰ এবাৰ ব্যৱহাৰযোগ্য প্লাষ্টিক পৰিহাৰ কৰিবলৈ অনুৰোধ কৰে। পৰিষ্কাৰ-পৰিচ্ছন্নতা অভিযানৰ পূৰ্বে এক চমু সভা অনুষ্ঠিত হয়।
সভাত ৰাজ্যসভাৰ সাংসদ পবিত্ৰ মাৰ্ঘেৰিটা, ডি এ নিউজৰ মুখ্য সম্পাদক প্ৰণয় বৰদলৈ, পৰিৱেশবিদ ডঃ অমৰজ্যোতি কাশ্যপ, ৰমেন্দ্ৰ কুমাৰ চমুৱা, অভিনেতা নয়ন নিলিমকে ধৰি কেইবাগৰাকীও বিশিষ্ট ব্যক্তি অনুষ্ঠানটোত উপস্থিত থাকে।
ৰাজ্যসভাৰ সাংসদ পাবিত্ৰ মাৰ্ঘেৰিটাই তেওঁৰ ভাষণত কয় যে যদি শিক্ষাৰ্থীসকলে পৰিৱেশৰ সুৰক্ষা আৰু সংৰক্ষণৰ প্ৰয়োজনীয়তাৰ বিষয়ে অৱগত হয় তেন্তে তেওঁলোকক এই ধৰণৰ কাৰ্যসূচীৰ দ্বাৰা এক ভূমিকা পালন কৰিবলৈ উৎসাহিত কৰা হ’ব।
বিশ্ব পৰিৱেশ দিৱসৰ প্ৰাকমুহূৰ্তত দিচপুৰ মহাবিদ্যালয়ৰ অধ্যক্ষই গছপুলি ৰোপণ কৰি মহাবিদ্যালয় চৌহদত এখন বাগিচা উদ্বোধন কৰে।
বৃহত্তৰ গণেশগুৰি অঞ্চলৰ বিভিন্ন সংগঠনৰ পৰা মোহন ডেকা, দিলীপ বৈশ্য, মানব পাটৰ, বিপুল দাস অনুষ্ঠানটোত উপস্থিত থাকে।
আদৰণি ভাষণত মহাবিদ্যালয়খনৰ অধ্যক্ষ ড০ নৱজ্যোতি বৰাই কয় যে দিচপুৰ মহাবিদ্যালয়ে এটা সৰু পদক্ষেপেৰে আৰম্ভ কৰিছে যদিও অঞ্চলটোৰ পৰিৱেশ আৰু পৰিচ্ছন্নতা সম্পৰ্কে এক বৃহৎ আৰু বহল দৃষ্টি সন্মুখত ৰাখিছে।
মহাবিদ্যালয়খনৰ গৱেষণা, উদ্ভাৱন আৰু সম্প্ৰসাৰণ কোষৰ সমন্বয়ক ড০ শশী মোহন দাসে এই কাৰ্যসূচী পৰিচালনা কৰে আৰু মহাবিদ্যালয়খনৰ সহযোগী অধ্যাপিকা ধৰিত্ৰী ঠাকুৰীয়াই উপস্থিত সকলোকে ধন্যবাদ জ্ঞাপন কৰিছিল।