দেওবাৰে বিশ্বনাথ চাৰিআলিৰ মহকুমা অসামৰিক চিকিৎসালয়লৈ চিকিৎসাৰ বাবে আনি চিকিৎসকৰ অভাৱত মৃত্যু হোৱা এটা নৱজাতক কেন্দ্ৰ কৰি তীব্ৰ প্ৰতিক্ৰিয়া সৃষ্টি হৈছে বিশ্বনাথত।
বিশ্বনাথ চাৰিআলি বালিচাং ধূলিৰ শিৱ চনাৰ নামৰ লোকজনে তেওঁৰ শিশু পুত্ৰক চিকিৎসা বাবে দিনৰ ২.৩০ বজাত বিশ্বনাথ চাৰিআলি অসামৰিক চিকিৎসালয়লৈ আনে আৰু বিশ্বনাথ চাৰিআলি অসামৰিক চিকিৎসালয় কতৃপক্ষই শিশুটিক চিকিৎসা বাবে ভৰ্তি কৰায়।
কিন্তু পিছত শিশু চিকিৎসক নথকাৰ বাবে অভিভাৱকে অসামৰিক চিকিৎসালয়ত চিকিৎসা নকৰো বুলি কৰ্তৃপক্ষৰ আগত চহী কৰি ঘৰলৈ লৈ আহে।
ইয়াৰ পিছত অভিভাৱকে চিকিৎসালয় পৰা লৈ আহি বিশ্বনাথ চাৰিআলি তিনিখনকৈ ব্যক্তিগত খণ্ডৰ চিকিৎসালয়ত শিশুটিক চিকিৎসাৰ বাবে লৈ যায় যদিও কোনো এখন চিকিৎসালয়ত শিশু চিকিৎসক নথকাৰ ফলত চিকিৎসালয় কেইখনে চিকিৎসা নকৰি শিশুটি পুনৰ অভিভাৱকৰ সৈতে ওভটাই পঠিয়াই দিয়ে।
কিন্তু দুৰ্ভাগ্যবশতঃ চিকিৎসাৰ অভাৱত মৃত্যু মুখত পৰে কণমানি নৱজাতকটি।
শিশুটি মৃত্যুৰ কাৰণ তথা চিকিৎসকৰ অনুপস্থিতিৰ সন্দৰ্ভত জানিবলৈ বিশ্বনাথ চাৰিআলি অসামৰিক চিকিৎসালয়ত সাংবাদিকৰ দল উপস্থিত হোৱাত অসামৰিক চিকিৎসালয় কৰ্তৃপক্ষৰ তৰফৰ পৰা জানিবলৈ দিয়ে যে “শিশুটি চিকিৎসালয় ভৰ্তি কৰাই যদিও চিকিৎসকৰ ডিউটি নথকা বাবে অভিভাৱকে শিশুটি চিকিৎসা নকৰো বুলি লৈ যায়।”
উল্লেখ্য যে অসামৰিক চিকিৎসালয়খনত প্ৰকৃততে এগৰাকী শিশু চিকিৎসক আছে আৰু তেওঁ সেই সময়ত ডিউটিত নাছিল। মাত্ৰ খবৰ দিবলৈ ধৰা সময়তে অভিভাৱকে শিশুটিক লৈ যায় বুলি ইতিমধ্যে চিকিৎসালয় কৰ্তৃপক্ষই জানিবলৈ দিয়ে।
আনহাতে, শিশুটি অভিভাৱকে অভিযোগ কৰা অনুসৰি অসামৰিক চিকিৎসালয়খনত চিকিৎসক নথকাৰ বাবে ই মৃত্যু মুখত পৰিল শিশুটি।
এতিয়া প্ৰশ্ন হয় জিলাখনৰ বিশ্বনাথ চাৰিআলি অসামৰিক চিকিৎসালয়ত মাত্ৰ ৮ জন চিকিৎসক আৰু এজন শিশু চিকিৎসকৰে চিকিৎসা প্ৰদান কৰি থকাতো সম্ভৱ নে?
নে এনেদৰে শিশু চিকিৎসকৰ অভাৱত কাল কৰোণাৰ সময়ত দুৱাৰ দুৱাৰে শিশু চিকিৎসকৰ বাবে ঘুৰিব লাগিব ৰোগীৰ পৰিয়াল? স্থানীয় ৰাইজৰ মাজত এই প্ৰশ্নই এতিয়া দোলা দি আছে।