আহমেদাবাদ-মুম্বাই ডাবল ডেকাৰ এক্সপ্ৰেছ কথমপি স্বাধীনতা দিৱসৰ দিনা এক বৃহৎ দুৰ্ঘটনাৰ পৰা হাত সাৰে। গুজৰাটৰ বদোদৰা ষ্টেচনৰ সমীপৰ গোথাংগমত দুডাল ডেকাৰ ৰে’লখনৰ মূল দেহৰ পৰা পৃথক হৈ পৰে।বাতানুকুল ০৭ আৰু ০৮ কোঠা চলন্ত ৰেলৰ পৰা পৃথক হয়। যদিও এটা বৃহৎ দুৰ্ঘটনা হোৱাৰ পৰা যাত্ৰীসকল বাছে তথাপিও যাত্ৰীসকল আতংকিত হৈ পৰে। পশ্চিম ৰেলৱেই এই ঘটনাৰ কাৰণৰ তদন্ত আৰম্ভ কৰিছে। প্ৰথম অৱস্থাত অনুমান কৰা হৈছিল যে ৰে’লখনৰ দুটা ডবা সংযোগী ‘কাপলাৰ’ত বিঘিনি ঘটিব পাৰে। অৱশ্যে এতিয়ালৈকে কোনো কাৰণ ৰে’লৱেই উল্লেখ কৰা নাই।
পশ্চিম ৰেলৱেৰ এক্স (পূৰ্বৰ টুইটাৰ) হেণ্ডেলৰ তথ্য অনুসৰি ১৫ আগষ্টৰ পুৱা ৮:৫০ বজাত এই ঘটনা সংঘটিত হৈছিল। ৰে’লৱেও নিশ্চিত কৰিছে যে ৰে’লখনৰ মূল দেহৰ পৰা দুয়োটা ডেকাৰ পৃথক কৰা হৈছে। মন কৰিবলগীয়া যে, ৰে’লৰ দুটা কোঠা পৃথক হৈ হঠাতে ৰৈ যোৱাৰ লগে লগে যাত্ৰীসকল ভয় খায়।
কিন্তু ডাবল ডেকাৰ এক্সপ্ৰেছ চালক আৰু অন্যান্য ৰে’ল শ্ৰমিকৰ প্ৰচেষ্টাত পৰিস্থিতি পৰিচালিত হ’ল। দুয়োটা কোঠাৰ পৃথকীকৰণৰ তথ্য লাভ কৰি ৰে’ল বিভাগৰ বিষয়াসকলে সেই স্থানত উপস্থিত হয়। কিয় এই ঘটনা সংঘটিত হ’ল তাৰ তদন্ত আৰম্ভ কৰিছে। ৱেষ্টাৰ্ণ ৰেলৱেই জনোৱা মতে, ৰে’লখনৰ সন্মুখ আৰু পিছফালৰ দুয়োটা অংশ নিকটতম প্লেটফৰ্মলৈ স্থানান্তৰ কৰা হৈছে। দুৰ্ঘটনাটোৰ বাবে ৰেলৰ চলাচল প্ৰভাৱিত হৈছে। লুপ লাইনত অস্থায়ীভাৱে আন ট্ৰেইন চলি আছে।
উল্লেখ্য যে,অতীতত ইটোৰ পাছত সিটো দুৰ্ঘটনা বাৰে বাৰে ৰেলপথৰ ওপৰত প্ৰশ্ন উত্থাপন হৈ আহিছে। কৰমণ্ডল এক্সপ্ৰেছ, কাঞ্জনজংঘা এক্সপ্ৰেছ, হাওৰা-চি এছ এম টি মেইলৰ দুৰ্ঘটনাৰ ভয়াবহতা এতিয়াও শেষ হোৱা নাই।বৰ্তমান ৰে’ল আৰু ৰে’ল মন্ত্ৰীৰ ভূমিকাক লৈ প্ৰশ্ন উত্থাপন হৈছে। সুকীয়া ৰে’ল বাজেট এৰি দিয়াৰ সন্দৰ্ভতো প্ৰশ্ন উত্থাপন হৈছে। ৭৮ সংখ্যক স্বাধীনতা দিৱসতো ৰে’লৱে উদযাপন কৰা হৈছে। ইয়াৰ বাবেই বিভিন্ন মহলে পুনৰ যাত্ৰীৰ সুৰক্ষাৰ প্ৰশ্ন উত্থাপন হ’বলৈ আৰম্ভ কৰিছে।
