তিনিচুকীয়া জিলাৰ মাৰ্ঘেৰিটাৰ বিভিন্ন অঞ্চলত অব্যাহত থকা ড্ৰাগছ মাফিয়াৰ বিৰুদ্ধে অভিযান অব্যাহত থকাৰ সময়তে পুনৰ আটক হৈছে ড্ৰাগছ ব্যৱসায়ত জড়িত আন এজন ড্ৰাগছ ব্যৱসায়ী।
আজি মাৰ্ঘেৰিটা মহকুমা আৰক্ষী বিষয়া পাৰ্থ প্ৰতিম দাস আৰু লিডুৰ নৱ নিযুক্ত উপ পৰিদৰ্শক জ্যোতিষ ফুকনৰ নেতৃত্বত যোৱা এটা আৰক্ষীৰ দলে এক গোপন সূত্ৰে জানিব পাৰি দিহিঙ বজাৰৰ সমীপত অভিযান চলাই আকাশ দত্ত নামৰ যুৱক জনক আটক কৰি থানালৈ লৈ আহে।
যুৱক জনৰ পৰা আৰক্ষীয়ে বহু পৰিমাণৰ ড্ৰাগছ জব্দ কৰাৰ লগতে এটা চিৰিঞ্জ, এটা মবাইল, ৭৩ টা প্লাষ্টিক টেমা আৰু নগদ ২১,৮৯০ টকা জব্দ কৰে। লগতে এ আৰ ১১ ৭৭৫১ নম্বৰৰ ভান এখনো জব্দ কৰিছে আৰক্ষীয়ে।
অন্যহাতে যুৱক জনৰ বিৰুদ্ধে মাৰ্ঘেৰিটা থানাত এক গোচৰ ৰুজু কৰি যুৱক জনক সোধা পোছা অব্যাহত ৰাখিছে।
