নিউ বঙাইগাঁও আৰক্ষী পহৰা চকীৰ অন্তৰ্গত ভাওলাগুৰীত আৰক্ষীয়ে চলোৱা অভিযানত ড্ৰাগছসহ এজন যুৱকক আটক কৰে ৷
নিউ বঙাইগাঁও আৰক্ষী পহৰা চকীৰ ভাৰপ্ৰাপ্ত আৰক্ষী বিষয়া সুকেশ ঘোষৰ নেতৃত্বত চলোৱা অভিযানত ড্ৰাগছসহ আটক কৰা যুৱকজন নিউবঙাইগাঁও ভাওলাগুৰীৰ তাইজুদ্দিন আলী বুলি আৰক্ষীয়ে জানিবলৈ দিছে ।
আৰক্ষীৰ জালত পৰা যুৱক জনৰ পৰা আৰক্ষীয়ে ১২.৭৬ গ্ৰাম ড্ৰাগছ, পাঁচ বটল নিচাযুক্ত ঔষধ, চিৰিঞ্জ আদি উদ্ধাৰ কৰিবলৈ সক্ষম হৈছে।
ড্ৰাগছখিনি কণ্টেইটাৰত ভৰোৱা আছিল ৷
উল্লেখ্য যে আৰক্ষীয়ে পুৱাৰ ভাগত নিউ বঙাইগাঁও চাইনা মাৰ্কেটৰ সন্তোষ চৌধুৰীক ড্ৰাগছসহ আটক কৰাৰ পিচত সন্ধিয়া পুনৰ তাইজুদ্দিন আলীক কৰায়ত্ত কৰে ৷
