মহামাৰী ক’ৰ’না বা কোভিদ-১৯ প্ৰতিৰোধৰ বাবে সমগ্র বিশ্বই যুঁঁজ দি থকাৰ সময়তে ভাৰতবৰ্ষইয়ো দেশজুৰি লকডাউন ব্যৱস্থাৰে মহামাৰী বিধৰ বিৰুদ্ধে প্ৰতিৰোধৰ ব্যৱস্থা অব্যাহত ৰাখিছে।
মহামাৰীবিধৰ বিৰুদ্ধে সন্মুখৰ পৰা অহৰহ যুঁঁজ দি থকা আৰক্ষী প্ৰশাসন, চিকিৎসা সেৱাত নিয়োজিত চিকিৎসক, নাৰ্চকে ধৰি অন্য চিকিৎসা কৰ্মী, সাংবাদিক আৰু প্ৰশাসনীয় বিষয়াসকলৰ মাজত মাস্ক আৰু চেনিটাইজাৰ বিতৰণ কৰে।
বাক্সা জিলা সাহিত্য সভাৰ প্ৰাক্তন সভাপতি তথা মাহেকীয়া বাৰ্তা পখিলীৰ সম্পাদক ব্ৰজেন্দ্ৰ নাথ ডেকা আৰু বিশিষ্ট সাহিত্যিক গোপাল জালানে তামুলপুৰ শাখা সাহিত্য সভাৰ সম্পাদক গণেশ ৰাভাৰ সহযোগত এই কাৰ্যসূচী ৰূপায়ণ কৰে।
তামুলপুৰ আৰক্ষী থানাৰ আৰক্ষী, তামুলপুৰ প্ৰেছ ক্লাবৰ সাংবাদিক সকল, তামুলপুৰ প্ৰাথমিক স্বাস্থ্য কেন্দ্ৰৰ চিকিৎসক, নাৰ্চ আৰু অন্যান্য চিকিৎসা কৰ্মী, প্ৰশাসনীয় বিষয়াসকল, কুমাৰীকাটা আৰকী চকী, কুমাৰীকাটা ৰাজ্যিক চিকিৎসালয়, দৰংগামেলা আৰক্ষী চকী আদিৰ আৰক্ষী বিষয়া আৰু অন্যান্য কৰ্মচাৰীসকলক একোখনকৈ মাস্ক আৰু চেনিটাইজাৰ বিতৰণ কৰে।
বিতৰণ কাৰ্যসূচীৰ পাছতেই সাংবাদিকৰে হোৱা কথা বাৰ্তাত বাৰ্তা পখিলীৰ সম্পাদক ব্ৰজেন্দ্ৰ নাথ ডেকাই কয় যে এই চেনিটাইজাৰ সংগ্ৰহ কৰাত তেওঁ লোকক বিশেষ ভাৱে সহায় কৰে অসম চৰকাৰৰ আবকাৰী মন্ত্ৰী পৰিমল শুক্ল বৈদ্য, আবকাৰী বিভাগৰ জন সম্পৰ্কী বিষয়া শৈলেন পাণ্ডে, মাদক দ্ৰব্য নিবাৰণৰ উপধ্যক্ষা লাকি গগৈয়ে।