সদৌ অসম গোর্খা ছাত্ৰ সন্থাৰ উদ্যোগত তথা কলিয়াবৰৰ ৰহধলা – মিছামুখ আঞ্চলিক সমিতিৰ সহযোগত কলিয়াবৰৰ ৰহঢলাস্থিত নেহেৰু এম. ই স্কুলত এখন ” শৈক্ষিক কৰ্মশালাৰ আয়োজন” কৰে।
সদ্যঘোষিত উচ্চ মাধ্যমিক আৰু উচ্চতৰ মাধ্যমিক শিক্ষান্ত পৰীক্ষাত অৱতীৰ্ণ হব লগীয়া ছাত্ৰ- ছাত্ৰী সকলক একগোট কৰি এক শৈক্ষিক কৰ্মশালাৰ আয়োজন কৰে।
এই কৰ্মশালাৰ মুখ্য উদ্দেশ্য হৈছে ছাত্ৰ ছাত্ৰী সকলৰ মনৰ পৰা পৰীক্ষাৰ প্ৰতি থকা ভয় ভাব আঁতৰোৱাৰ লগত তেওঁলোকক আগন্তুক পৰীক্ষাৰ বাবে প্ৰস্তুত কৰা বুলি জানিবলৈ দিয়ে উদ্যোক্তাসকলে।
এই শৈক্ষিক কৰ্মশালাত মুখ্য অনুপ্রেৰক বক্তা হিচাপে কলিয়াবৰ মহাবিদ্যালয়ৰ সহকাৰী অধ্যাপক পৰাগ দাহাল , সদৌ অসম গোর্খা ছাত্ৰ সন্থা কাৰ্বি আংলং জিলা সমিতিৰ শিক্ষা সম্পাদক গোপাল ভট্টৰাই , সদৌ অসম গোর্খা ছাত্ৰ সন্থাৰ শিক্ষা বিভাগৰ সদস্য লেখনাথ শৰ্মা , কলিয়াবৰ ভানু সমিতিৰ সভাপতি দিগবিৰ কাকী , উপদেষ্টা খড়ানন্দ পোখৰেল , বিশিষ্ট সমাজকৰ্মী তথা সদৌ অসম ন্যায়িক কৰ্মচাৰী সন্থাৰ সভাপতি মদন উপাধ্যায়কে প্ৰমুখ্য কৰি ছাত্ৰ সন্থাৰ বিষয়ববীয়া সকল উপস্থিত থাকে।
আনহাতে এই শৈক্ষিক কৰ্মশালাত প্ৰায় ৯০ গৰাকী প্ৰশিক্ষাথীয়ে অংশগ্ৰহণ কৰি যথেষ্ট অনুপ্ৰাণিত হৈছে বুলি জানিবলৈ দিয়ে।
প্ৰশিক্ষণৰ অন্তত প্ৰশিক্ষাথী সকলক একোখনকৈ হাৰ্ডবৰ্ড আৰু কলম উপহাৰৰে আগন্তুক শিক্ষান্ত পৰীক্ষাৰ শুভেচ্ছা জ্ঞাপন কৰে বিষয়ববীয়া সকলে।
