অসমৰ ঐতিহ্যমণ্ডিত শিক্ষানুষ্ঠান বৰপেটা চৰকাৰী উচ্চতৰ মাধ্যমিক বিদ্যালয়ৰ ১৫০ বছৰীয়া জয়ন্তীৰ সামৰণি অনুষ্ঠান আজিৰে পৰা দুদিনীয়া কাৰ্যসূচীৰে আৰম্ভ হৈছে ৷
আজি পুৱা পতাকা উত্তোলন, স্মৃতি তৰ্পনৰ পিছতে উলিওৱা হয় শোভাযাত্ৰা ৷
জিলা উপায়ুক্ত তেজ প্ৰসাদ ভূচালে “ফ্লেগ অফ” কৰি শুভাৰম্ভ কৰে এই শোভাযাত্ৰাৰ ৷ শোভাযাত্ৰাত বিভিন্ন সাংস্কৃতিক দলৰ লগতে প্ৰাক্তন ছাত্ৰ- ছাত্ৰী, বৰ্তমানৰ ছাত্ৰ ছাত্ৰী, শিক্ষাগুৰুসকলৰ উপৰি শুভাকাংক্ষী সকলে অংশগ্ৰহণ কৰে ৷
উল্লেখ্য বৰপেটা চৰকাৰী উচ্চতৰ মাধ্যমিক বিদ্যালয়ে বৃহত্তৰ অঞ্চলটোৰ শৈক্ষিক উত্তৰণৰ দিশত বিশেষ অৰিহণা যোগাই আছে।
এই বিদ্যালয়ৰেই বহু প্ৰাক্তন ছাত্ৰ-ছাত্ৰীয়ে ৰাজ্যৰ বিভিন্ন ক্ষেত্ৰত নিজ নিজ দক্ষতাৰে প্ৰতিষ্ঠিত হ’বলৈ সক্ষম হৈছে।
