এইবাৰ চাইবাৰ অপৰাধীৰ টাৰ্গেট জিলা উপায়ুক্ত। হয় , ৰাজ্যত ক্ৰমান্বয়ে বৃদ্ধি পাবলৈ ধৰিছে চাইবাৰ অপৰাধীৰ প্ৰৱঞ্চকৰ জাল । প্ৰৱঞ্চকৰ জালৰ পৰা বাদ পৰা নাই সাধাৰণ ৰাইজৰ পৰা উচ্চ পদস্থ বিষয়া লৈকে । সাধাৰণতে প্ৰতিদিনে সংঘটিত হৈ আহিছে এনে বহু চাইবাৰ অপৰাধীৰ ঘটনা যি বলি হৈছে বহু ভুক্তভোগী ।
কিন্তু এইবাৰ প্ৰৱঞ্চকৰ টাৰ্গেট জিলা উপায়ুক্ত। হয় এইবাৰ চাইবাৰ অপৰাধীৰ টাৰ্গেট বিশ্বনাথ জিলা উপায়ুক্ত মুণিন্দ্ৰ নাথ ঙাটে।
প্ৰৱঞ্চকৰ ভুৱা ম’বাইল নম্বৰত নম্বৰত সামাজিক মাধ্যমৰ পৰা উপায়ুক্তৰ ফটো সংগ্ৰহ কৰি প্ৰফাইল পিক্সাৰ ছেভ কৰিছে । তাৰ পিছত একে অফিচৰ প্ৰশাসনিক বিষয়া লৈ আৰ্থিক সাহায্য বিচাৰি হোৱাটছএপত মেচেজৰ জৰিয়তে অনুৰোধ জনাইছে।
কিন্তু পৰৱৰ্তী সময়ত জিলা উপায়ুক্ত গৰাকীৰ ফটো ব্যৱহাৰ কৰি প্ৰৱঞ্চনা কৰিবলৈ চেষ্টা কৰাৰ বিষয়ত একাংশ বিষয়াৰ সন্দেহ ওপজাত সমগ্ৰ বিষয় পোহৰলৈ আহে ।
ইতিমধ্যে জিলা উপায়ুক্ত গৰাকীয়ে আৰক্ষীৰ ওচৰত এজাহাৰ দাখিলৰ বাবে প্ৰস্তুতি চলাইছে । এই সমগ্ৰ ঘটনা সন্দৰ্ভত সংবাদ মাধ্যমৰ সদৰী কৰিছে জিলাখনৰ অতিৰিক্ত উপায়ুক্ত বিশ্বজিৎ শইকীয়াই ।
প্ৰাথমিক তদন্তত এই ভুৱা ম’বাইল নম্বৰটি কেৰেলাৰ বুলি জানিবলৈ পৰা গৈছে যদিও সমগ্ৰ বিষয় তদন্তৰ পিছতহে স্পষ্ট হ’ব।