ন্যায়াধীশসকলে কেতিয়াও কোনো বিষয়ক লৈ ৰাজহুৱা মন্তব্য নকৰাৰ বিপৰীতে ভাৰতৰ মুখ্য বিচাৰপতি, অসম সন্তান ৰঞ্জন গগৈৰ নামত সক্ৰিয় হৈ আছে এটা টুইটাৰ একাউণ্ট (Twitter handle)।
একাউণ্টটোৰ পৰা চ’চিয়েল মিডিয়াত মন্তব্য দি থকাৰ কথা ধৰা পেলাই উচ্চতম ন্যায়ালয়ৰ নিৰাপত্তা আৰু তদাৰকীৰ অতিৰিক্ত পঞ্জীয়ক কৰ্নেল জিবি মৰৱাই দিল্লী আৰক্ষীৰ ওচৰত অভিযোগ দাখিল কৰিছে।
ন্যায়াধীশ গগৈৰ ছবিও ব্যৱহাৰ কৰা একাউণ্টটোৰ পৰা বিভিন্ন বিষয়ত ধাৰাৱাহিকভাৱে আগবঢ়াই অহা অভিমতসমূহে গুৰুতৰ খেলিমেলিৰ সৃষ্টি কৰিব পাৰে।
বুধবাৰে Bar & Benchএ প্ৰকাশ কৰা এটা প্ৰতিবেদনত কোৱা হৈছে যে কৰ্নেল মাৰৱাৰ অভিযোগৰ পিছত ইতিমধ্যে দিল্লী আৰক্ষীৰ বিশেষ শাখাই এক গোচৰ ৰুজু কৰি ঘটনাটোৰ তদন্ত আৰম্ভ কৰিছে।
CJI Ranjan Gogoi's name used to create fake Twitter profile, FIR filed by @DelhiPolice https://t.co/FSTzrmbCMo
— Bar and Bench (@barandbench) October 17, 2018
আৰক্ষীয়ে ইতিমধ্যে ভুৱা একাউণ্টটো চলোৱা এজন যুৱকক গ্ৰেপ্তাৰ কৰিছে যদিও ঘটনাৰ তদন্ত অব্যাহত আছে।
গ্ৰেপ্তাৰ হোৱা উত্তৰ প্ৰদেশৰ যুৱকজনে পূৰ্বেও আনৰ ভুৱা একাউণ্ট খুলি পৰৱৰ্তী সময়ত সেইবোৰ পুনৰ নিষ্ক্ৰিয় কৰিছিল বুলি আৰক্ষী সূত্ৰত প্ৰকাশ।
