বিশ্বৰ স্বাস্থ্য বিজ্ঞানক ভেঙুচালি মাৰি নিজৰ অস্তিত্ব অটুট ৰখিছে ক’ৰ’নাই। মহামাৰী ক’ৰ’নাক ৰুধিবলৈ দেশজুৰি চলা চতুৰ্থ পৰ্যায়ৰ লকডাউনৰ সমাপ্তি ঘটি আজিৰ পৰা আৰম্ভ হ’ল পঞ্চম পৰ্যায়ৰ লকডাউন।
এই চতুৰ্থ পৰ্যায়ৰ লকডাউনৰ বাবে দুখীয়া শ্ৰেণীৰ সকলো পৰিয়ালৰ একমাত্ৰ উপাৰ্জনৰ পথবোৰ বন্ধ হৈ পৰিছে। শ্ৰমিক শ্ৰেণীৰ প্ৰায়বোৰ পৰিয়ালে ভোকে পিয়াহে দিন অতিবাহিত কৰিবলগীয়া হৈছে।
এই সংকটৰ সময়ত বিভন্ন হৃদয়বান ব্যক্তিয়ে দুই এজনক সাহায্য প্ৰদান কৰিছে যদিও সেয়া পৰ্যাপ্ত নহয়। ইফালে লকডাউনৰ মাজতে প্ৰৱল বানপানী, গৰাখহনীয়া, ধুমুহাই বাৰুকৈ ক্ষতিগ্ৰস্ত কৰিছে দৰিদ্ৰ শ্ৰেণীৰ লোক সকলক।
প্ৰকৃতিৰ ৰুষ্টতাত ত্ৰস্তমান, জুৰুলা, সকলো হেৰুৱাই দিক বিদিক নোপোৱা হৈছে দৰিদ্ৰ লোকসকল। কটকটীয়া লকডাউনৰ প্ৰতি পূৰ্ণ সহাৰি সকলো ৰাইজ স্ব ইচ্ছাই গৃহবন্দী।
ইয়াৰ মাজতে আহিল প্ৰৱল ধুমুহা আৰু বানপানী। ধুমুহাই তচনচ কৰি যোৱাৰ পিছতেই আকৌ বানে বুৰালে কৃকষৰ মূৰৰ ঘাম মাটিত পেলাই বুকু ভৰা আশাৰে গঢ়ি তোলা ধাননি পথাৰৰ লগতে আন-আন শস্যভূমি।
ইফালে গৰাখহনীয়াই ধাৰণ কৰিলে ৰুদ্ৰমূৰ্তি যাৰ বাবে জাহ গ’ল শ-শ বিঘা এনে ভূমিৰ লগতে শস্য ভূমি। বৃহত্তৰ কোকিলা, শৌলমাৰী, চাকলা, নাম্বাৰপাৰা, নোৱাগাও, বাংলাপাৰা, গোলাপাৰা, কীৰ্ত্তনপাৰা, বালাৰচৰকে আদি বহু কেইখন গাৱঁৰ ধাননি পথাৰ সম্পূৰ্ণ ৰূপে পানীৰ তলত।
ঘৰতে বহি চকুলো টুকিব লগা হৈছে কৃষক সকল। উপায়ন্তৰ কৃষক সকলোৰ যেন নেদেখা জনেই হৈ পৰিছে শেষ ভৰষা।
“আমি চৰকাৰে দিয়া লকডাউন মানি চলিছো, আমি চৰকাৰৰ আহ্বান মানিছো, চৰকাৰে আমাৰ আহ্বান মানিব লাগে”, এই দাবী জনায় বৃহত্তৰ অঞ্চলৰ একাংশ কৃষক সকলে।
চৰকাৰৰ লকডাউনৰ প্ৰতি সহাৰি জনাই এই উত্থাপন কৰে কৃষক সকলে।
