পৰিৱেশৰ ভাৰসাম্য, বিশ্ব অৰ্থনীতিৰ প্ৰয়োজনীয়তা, আৰ্থ-সামাজিক উন্নয়ন এই সকলোবোৰৰ বাবে জনসংখ্যা নিয়ন্ত্ৰণ আটাইতকৈ বেছি প্ৰয়োজনীয়। এই সহজ সত্যটো হয়তো এতিয়াও পৃথিৱীৰ বেছিভাগ মুছলমান ধৰ্মাৱলম্বীয় লোকে মানি লোৱা নাই। হয়তো সেইবাবেই বিশ্বৰ আটাইতকৈ দ্ৰুতগতিত বৃদ্ধি পোৱা ধৰ্মীয় জনসংখ্যাৰ তালিকাত মুছলমানসকলে প্ৰথম স্থান লাভ কৰিব বুলি আশা কৰা হৈছে। যদিও তেওঁলোক তালিকাত দ্বিতীয় স্থানত আছে, তথাপিও সামগ্ৰিক জনসংখ্যাৰ ক্ষেত্ৰত খ্ৰীষ্টানসকলৰ সংখ্যা হ্ৰাস পাইছে। ইয়াৰ পৰিৱৰ্তে পৃথিৱীত নাস্তিকৰ সংখ্যা যথেষ্ট বৃদ্ধি পাইছে। শেহতীয়াকৈ পিউ ৰিচাৰ্চে এনে এটা অধ্যয়ন চলাইছে।
পিউ ৰিচাৰ্চৰ তথ্য অনুসৰি ২০১০ চনৰ পৰা ২০২০ চনলৈ ১০ বছৰত ইছলাম ধৰ্মৰ বৃদ্ধি আন সকলো ধৰ্মতকৈ দ্ৰুতগতিত বৃদ্ধি পাইছে। এই ১০ বছৰত ইছলামৰ অনুগামীৰ সংখ্যা প্ৰায় ৩৪.৭ কোটি বৃদ্ধি পাইছে। মুঠৰ ওপৰত বিশ্বৰ মুছলমান জনসংখ্যা ১.৮ শতাংশ পইণ্ট বৃদ্ধি পাইছে। বৰ্তমান বিশ্বৰ মুঠ জনসংখ্যাৰ ২৫.৬ শতাংশই মুছলমান। কিন্তু জনসংখ্যাৰ হিচাপত এতিয়াও খ্ৰীষ্টানসকল পৃথিৱীৰ ভিতৰতে সৰ্বাধিক জনসংখ্যা। কিন্তু জনসংখ্যা বৃদ্ধিৰ ক্ষেত্ৰত যীচু খ্ৰীষ্টৰ অনুগামীসকল ইছলামৰ বহু পিছ পৰি আছে। পিউ ৰিচাৰ্চৰ এক অধ্যয়নত কোৱা হৈছে যে যোৱা ১০ বছৰত পৃথিৱীত খ্ৰীষ্টানৰ সংখ্যা প্ৰায় ১২.২ কোটি বৃদ্ধি পাইছে। বৰ্তমান খ্ৰীষ্টানৰ সংখ্যা কম বেছি পৰিমাণে ২.৩ বিলিয়ন। বৰ্তমান বিশ্বৰ মুঠ জনসংখ্যাৰ ২৮.৮ শতাংশ খ্ৰীষ্টান।
মন কৰিবলগীয়া যে খ্ৰীষ্টান ধৰ্মৰ লোকৰ সংখ্যা ১.৮ শতাংশ পইণ্ট হ্ৰাস পাইছে। ইফালে লক্ষ্যণীয় ভাবে সমগ্ৰ বিশ্বতে নাস্তিকৰ সংখ্যা যথেষ্ট বৃদ্ধি পাইছে। তথ্য অনুসৰি মুছলমান আৰু খ্ৰীষ্টানৰ পিছতে খ্ৰীষ্টান ধৰ্মাৱলম্বী লোকৰ বৃদ্ধি আটাইতকৈ দ্ৰুতগতিত হৈছে। পিউ ৰিচাৰ্চৰ তথ্য অনুসৰি ২০১০-২০ চনৰ ১০ বছৰত বিশ্বত নাস্তিকৰ সংখ্যা ২৭ কোটি বৃদ্ধি পাইছে! বৰ্তমান বিশ্বত নাস্তিকৰ সংখ্যা ১.৯ বিলিয়ন। মুঠ জনসংখ্যাৰ ২৪.২ শতাংশই নাস্তিক। অধ্যয়নটোত কোৱা হৈছে যে মূলতঃ খ্ৰীষ্টান ধৰ্মৰ লোকসকলে নিজৰ ধৰ্মীয় বিশ্বাস এৰি ‘নাস্তিক’ হ’বলৈ বাছি লৈছে। এই কাৰণেই খ্ৰীষ্টান জনসংখ্যাৰ বৃদ্ধিৰ হাৰতকৈ নাস্তিক আৰু মুছলমানৰ বৃদ্ধিৰ হাৰ বহু বেছি। পৰম্পৰাগত হিন্দু ধৰ্ম আজিও বিশ্বৰ তৃতীয় বৃহত্তম ধৰ্ম আৰু চতুৰ্থ বৃহত্তম ধৰ্মীয় জনসংখ্যা। ২০১০ চনৰ পৰা ২০২০ চনলৈ ১০ বছৰত হিন্দুৰ সংখ্যা ১২.৬ কোটি বৃদ্ধি পাইছে।বৰ্তমান বিশ্বত হিন্দু জনসংখ্যা প্ৰায় ১২০ কোটি। বিশ্বৰ মুঠ জনসংখ্যাৰ ১৪.৯ শতাংশ হিন্দু। ২০১০ চনত ১৫ শতাংশ আছিল। অৰ্থাৎ বিশ্বৰ মুঠ জনসংখ্যা বৃদ্ধিৰ সমান হাৰত হিন্দুৰ সংখ্যাও বৃদ্ধি পাইছে। অধ্যয়নটোত দাবী কৰা হৈছে যে হিন্দুসকলৰ মাজত ধৰ্মান্তৰকৰণৰ ধাৰা যথেষ্ট হ্ৰাস পাইছে।
