এটি জনপ্ৰাণীহীন দ্বীপ।
দ্বীপটোলৈ সচৰাচৰ কোনো মানুহ নাযায় বুলি ক’লেও ভুল কোৱা নহ’ব।
আইচলেণ্ডৰ জনপ্ৰাণীহীন দ্বীপটো শেহতীয়াকৈ চৰ্চালৈ আহিছে এটা বিশেষ কথাৰ বাবে। কোনো লোকে বাস নকৰা দ্বীপটোত থিয় হৈ আছে এটি ধুনীয়া ঘৰ।
নিৰ্জন দ্বীপটোৰ এই ঘৰটোৰ ছবি কোনো লোকে ইনষ্টাগ্ৰামত ভাইৰেল কৰাৰ পিছতে দ্বীপটোকলৈ এতিয়া মানুহৰ মাজত ঔসুকতা বৃদ্ধি পোৱা পৰিলক্ষিত হৈছে।
কোনোৱাই হয়তো দ্বীপটোৰ ওপৰেৰে হেলিকপ্তাৰেৰে পাৰ হৈ যোৱাৰ সময়তে দ্বীপটোত থকা ঘৰটো দেখা পাইছিল আৰু তেতিয়াই ইয়াৰ ছবিও তুলি লৈছিল।
যিকিনহওঁক, নিৰ্জন দ্বীপটোত এনেদৰে কোনে এটা সুন্দৰ ঘৰ সাজিছে তাকে লৈ এতিয়া ৰহস্যৰ সৃষ্টি হৈছে।দ্য মিৰৰ কাকতত প্ৰকাশিত বাতৰি অনুসৰি দক্ষিণ আইচলেণ্ডৰ এলিডি নামৰ দ্বীপটোতে আছে এই সুন্দৰ ঘৰটো।
আইচলেণ্ডৰ একাংশ স্থানীয় বাসিন্দাই প্ৰকাশ কৰা মতে এটা সময়ত সেই দ্বীপটোত পাঁচটা পৰিয়ালে বাস কৰিছিল।১৯৩০ চনত পৰিয়াল কেইটাই আন ঠাইলৈ গুচি যায়।
ঘৰটো তেওঁলোকৰে হ’ব পাৰে বুলি সন্দেহ কৰা হৈছে।
আন একাংশৰ মতে ঘৰটো আইচলেণ্ডৰ প্ৰখ্যাত শিল্পী বিজৰ্কে তাত সজাইছিল। যিকিনহওঁক ঘৰটোৱে পিছে সকলোকে এবাৰৰ বাবে হলেওঁ ভবাই তুলিছে।
