মুখ্যমন্ত্ৰী ডঃ হিমন্ত বিশ্ব শৰ্মাৰ বিৰুদ্ধে এজাহাৰ দাখিল।
মহাৰাষ্ট্ৰত দাখিল কৰা হৈছে এই এজাহাৰ।NSUI ৰ ৰাষ্ট্ৰীয় সভাপতি ৰোচন লাল বিত্তুৱে দাখিল কৰিছে এই এজাহাৰ।
মহাৰাষ্ট্ৰৰ ৰামনগৰ আৰক্ষী থানাত দাখিল কৰা হৈছে এই এজাহাৰ।
উল্লেখযোগ্য যে, সভ্যতা সংস্কৃতি ৰক্ষাৰ কথা কৈ অহা মুখ্যমন্ত্ৰী ডঃ হিমন্ত বিশ্ব শৰ্মাই কংগ্ৰেছৰ যুৱৰাজ ৰাহুল গান্ধীক কেন্দ্ৰ কৰি অভব্য বাক্যবাণ প্ৰয়োগ কৰিছিল উত্তৰাখণ্ডৰ এক নিৰ্বাচনী প্ৰচাৰত।
ৰাহুল গান্ধীৰ পিতৃৰ পৰিচয়ৰ প্ৰমাণ বিচাৰি বক্তব্য ৰাখিছিল মুখ্যমন্ত্ৰীগৰাকীয়ে।
Filed a FIR Complaint against Mentally ill BJP leader & Assam Chief Minister #HimantaBiswaSarma in Ramnagar Police station, Chandrapur Maharashtra demanding strict action under appropriate sections for his derogatory comments on our Hon'ble leadership Shri @RahulGandhi ji in UK. pic.twitter.com/YzfhPY9QCx
— Roshan Lal Bittu (@RoshanLalBittu) February 12, 2022
তাৰ পাছতে কংগ্ৰেছৰ নেতাসকলে মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ হৈ পৰাৰ লগতে ঠায়ে ঠায়ে প্ৰতিবাদী কাৰ্যসূচী ৰূপায়ণ কৰিছিল কংগ্ৰেছে।
শেহতীয়াকৈ তেলেংগনাৰ মুখ্যমন্ত্ৰী কে চন্দ্ৰশেখৰ ৰাওৱে বিজেপিৰ পৰা হিমন্ত বিশ্ব শৰ্মাক বহিস্কাৰ কৰিবলৈ দাবী তুলিছিল।
তাৰ পাছতে NSUI ৰ ৰাষ্ট্ৰীয় সভাপতি ৰোচন লাল বিত্তুৱে মুখ্যমন্ত্ৰীগৰাকীৰ বিৰুদ্ধে ব্যৱস্থা গ্ৰহণৰ দাবী তুলি গোচৰ ৰুজু কৰিবলৈ মহাৰাষ্ট্ৰ আৰক্ষীক আহ্বান জনায়।
