সদৌ বিটিচি বাঙালী যুৱ ছাত্ৰ ফেডাৰেশ্যনৰ কোকৰাঝাৰ জিলা কমিটিয়ে আলফা নেতা মৃণাল হাজৰিকাই বাঙালী সম্প্ৰদায়ৰ বিৰুদ্ধে দিয়া প্ৰৰোচনামূলক মন্তব্যৰ বাবে তেওঁৰ বিৰুদ্ধে আজি ফকিৰাগ্ৰাম আৰক্ষী থানাত এজাহাৰ দাখিল কৰে।
সদৌ বিটিচি বাঙালী যুৱ ছাত্ৰ ফেডাৰেশ্যনৰ কোকৰাঝাৰ জিলা কমিটিৰ সভাপতি অৰবিন্দ শীলে আলফা নেতা মৃণাল হাজৰিকাৰ বিৰুদ্ধে এজাহাৰ দাখিল কৰে।
বাঙালী যুৱ ছাত্ৰ ফেডাৰশ্যনে দাখিল কৰা এজাহাৰত আলফা নেতা মৃণাল হাজৰিকাৰ প্ৰৰোচনামূলক মন্তব্যই বাঙালী সম্প্ৰদায়ৰ সাধাৰণ লোকৰ অনুভূতিত আঘাত হানিছে আৰু তেওঁলোকৰ শান্তি ভংগ কৰিছে বুলি উল্লেখ কৰিছে।
এ বি বি ৱাই এছ এফে আলফা নেতা মৃণাল হাজৰিকাক ভাৰতীয় দণ্ডবিধিৰ ১৫৩ আৰু ১৫৩এ ধাৰৰ অধীনত আৰক্ষীক গ্ৰেপ্তাৰ কৰাৰ দাবী জনায়।
উল্লেখযোগ্য যে আলফা নেতা মৃণাল হাজৰিকাই অলপতে কৈছিল যৈ, ‘যি কোনো মূল্যৰ বিনিময়ত হ’লেও নাগৰিকত্ব সংশোধনী বিধেয়ক, ২০১৬ গৃহীত হ’ব দিব নোৱাৰি। মেচাকাৰ (নিৰ্মম হত্যা) কৰি হওক যি কৰি হওক আমি দৰকাৰ হ’লে ’৮৩ৰ পৰিস্থিতিলৈ ঘূৰি যাব লাগিব।’
