যাত্ৰা পথ সলনি! ৰাহুল গান্ধীৰ ভাৰত জোড়ো ন্যায় যাত্ৰাৰ বিৰুদ্ধে এফআইআৰ দাখিল অসম আৰক্ষীৰ

কংগ্ৰেছৰ প্ৰাক্তন সভাপতি ৰাহুল গান্ধীৰ ভাৰত জোড়ো ন্যায় যাত্ৰাত বাধা সৃষ্টিৰ প্ৰচেষ্টা। অসমত এই যাত্ৰা ২৫ জানুৱাৰীলৈ চলিব। মণিপুৰৰ পৰা এই যাত্ৰা আৰম্ভ কৰিছিল ৰাহুল গান্ধীয়ে। কংগ্ৰেছ নেতা ৰাহুল গান্ধীৰ ভাৰত জোড়ো ন্যায় যাত্ৰাৰ বিৰুদ্ধে অসম আৰক্ষীয়ে এফআইআৰ ৰুজু কৰিছে। নিউজ এজেন্সী পিটিআইয়ে এজন শীৰ্ষ বিষয়াৰ উদ্ধৃতিৰে এই তথ্য প্ৰকাশ কৰিছে। যাত্ৰাৰ পথ সলনি হোৱাৰ বাবে ৰাজ্যৰ যোৰহাট চহৰত এফআইআৰ দাখিল কৰা হৈছে বুলি আৰক্ষী বিষয়াই জানিবলৈ দিয়ে।

অনুমতি অনুসৰি যাত্ৰাটো কে বি ৰোডৰ ফালে যোৱাৰ কথা আছিল। কিন্তু যাত্ৰাটো চহৰৰ বেলেগ পথেৰে ডাইভাৰ্ট কৰা হয়। ইয়াৰ ফলত অঞ্চলটোত বিশৃংখল পৰিস্থিতিৰ সৃষ্টি হয় আৰু হঠাতে মানুহৰ হুলস্থুলৰ ফলত কিছুমান মানুহ পৰি যায়।

এফআইআৰক লৈ কংগ্ৰেছে হিমন্ত শৰ্মা চৰকাৰক আক্ৰমণ কৰিছে। বিৰোধী দলপতি দেৱব্ৰত শইকীয়াই কয় যে এই এফআইআৰখন যাত্ৰা পলম কৰাৰ কৌশল।

লগতে পঢ়কঃ নতুন হিংসাৰ ফলত মণিপুৰত ৪৮ ঘণ্টাত ৪ জন লোকৰ মৃত্যু, আহত ৭ জন

ইয়াৰ পূৰ্বে অসমৰ মুখ্যমন্ত্ৰী হিমন্ত বিশ্ব শৰ্মাইও এই পথ সন্দৰ্ভত সকীয়াই দিছিল। তেওঁ কয়, “আমি কৈছো যে যাত্ৰা চহৰৰ ভিতৰলৈ যাব নালাগে। এখন চিকিৎসা মহাবিদ্যালয় আৰু নাৰ্চিং হোম আছে। বিকল্প পথৰ অনুমতি দিয়া হ’ব, কিন্তু  চহৰৰ ভিতৰৰ পৰা যাত্ৰা কৰিবলৈ চেষ্টা কৰিলে আমি আৰক্ষীৰ ব্যৱস্থা গ্ৰহণ কৰিম”।

নাগালেণ্ডৰ পাছত ভাৰত জোড়ো ন্যায় যাত্ৰা অসম পালেহি। কংগ্ৰেছৰ নেতা ৰাহুল গান্ধীয়ে শিৱসাগৰ জিলাত দাবী কৰে যে ৰাজ্যখনত সম্ভৱতঃ দেশৰ ভিতৰতে আটাইতকৈ দুৰ্নীতিগ্ৰস্ত চৰকাৰ আৰু আটাইতকৈ দুৰ্নীতিগ্ৰস্ত মুখ্যমন্ত্ৰী (হিমন্ত বিশ্ব শৰ্মা) আছে।

असम पहुंच कर उतना ही प्यार मिला जितना मणिपुर और नागालैंड के लोगों से मिला था।

हमारी इस यात्रा का लक्ष्य आपकी पीड़ा, आपके मुद्दों और आपके साथ हो रहे भयंकर अन्याय को करीब से समझना है।

असम सरकार भाजपा रूपी ‘नफ़रत की खाद’ से उपजी ‘भ्रष्टाचार की फसल’ है।

असम का मुख्यमंत्री… pic.twitter.com/WXPKJaFPFQ

— Rahul Gandhi (@RahulGandhi) January 18, 2024

ছ’চিয়েল মিডিয়া এক্সত ৰাহুল গান্ধীয়ে লিখিছে, ‘অসমত উপস্থিত হোৱাৰ পিছত মণিপুৰ আৰু নাগালেণ্ডৰ ৰাইজৰ পৰা যি মৰম পাইছো, সেই একেই মৰম ইয়াতো পাইছো যিটো শব্দৰে প্ৰকাশ কৰাটো কঠিন। আমাৰ লক্ষ্য আপোনাৰ দুখ-কষ্ট, আপোনাৰ সমস্যাৰ বুজ লোৱা আৰু আপোনাৰ ওপৰত হোৱা ভয়ংকৰ অন্যায়ৰ সৈতে ন্যায় কৰা’।

তেওঁ কয়, “অসমৰ মুখ্যমন্ত্ৰী ভাৰতৰ আটাইতকৈ দুৰ্নীতিগ্ৰস্ত মুখ্যমন্ত্ৰী”।