গুৱাহাটী দবা একাডেমিৰ প্ৰশিক্ষাৰ্থী জগজিত সিনহা, শুভাঙ্গ প্ৰাণ কাশ্যপ, সুহান পতি, অন্তৰীপ বৰুৱা আৰু জয়ৰাজ বৰ্মনৰ নাম বিশ্ব দবা মহাসংঘই এক আগষ্ট,২০২২ত প্ৰকাশ কৰা ফিডে ৰেটিং তালিকাত অন্তৰ্ভুক্ত হৈছে।
এক আগষ্ট,২০২২ত প্ৰকাশ কৰা ফিডে ৰেটিং তালিকা অনুসৰি জগজিতে ১৩০৯ ৰেটিং পইণ্ট, শুভাঙ্গ প্ৰানে ১২৬৯ ৰেটিং পইণ্ট, সুহানে ১১৫৯ ৰেটিং পইণ্ট, অন্তৰীপে ১১১৩ ৰেটিং পইণ্ট আৰু জয়ৰাজে ১০৩৮ ৰেটিং পইণ্ট লাভ কৰে।
খেলুৱৈ সকলক ৩ জুলাইৰ পৰা ৮ জুলাই,২০২২লৈ গুৱাহাটীত অনুষ্ঠিত চতুৰ্থ আয়োধানা আন্তঃৰাষ্ট্ৰীয় ফিডে ৰেটিং দবা প্ৰতিযোগিতা প্ৰতিযোগিতাত কৰা প্ৰদৰ্শণৰ ভিত্তিত ৰেটিং প্ৰদান কৰা হৈছে।
বৰ্তমান জগজিত, শুভাঙ্গ প্ৰান, সুহান, অন্তৰীপ আৰু জয়ৰাজ গুৱাহাটী দবা একাডেমিত ফিডে স্বীকৃতি প্ৰাপ্ত দবা প্ৰশিক্ষক প্ৰণৱ কুমাৰ নাথৰ অধীনত প্ৰশিক্ষণ গ্ৰহণ কৰি আছে।
খেলুৱৈ সকলক তেওঁলোকৰ এই কৃতিত্বৰ বাবে গুৱাহাটী দবা একাডেমীয়ে অভিনন্দন জনাইছে।