লোকসভা নিৰ্বাচনৰ আগে আগে অসমৰ নিবনুৱা যুৱক-যুৱতীৰ বাবে চাকৰিৰ সুযোগ লৈ আহিছে ভাৰতীয় খাদ্য নিগম চমুকৈ এফ চি আয়ে। কেন্দ্ৰীয় চৰকাৰৰ অধীনৰ এই বিভাগটোত খালী হৈ থকা ৪০১৩টা পদৰ বাবে ইতিমধ্যে ২৮ ফেব্ৰুৱাৰি অৰ্থাৎ বৃহস্পতিবাৰৰ পৰাই আৰম্ভ হৈছে আবেদন প্ৰক্ৰিয়া।
জুনিয়ৰ ইঞ্জিনিয়াৰ, ষ্টেন’গ্ৰাফাৰ, টাইপিষ্ট, এচিষ্টেণ্ট গ্ৰেড II আৰু গ্ৰেড ।।।ৰ বাবে খালী হৈ থকা পদসমূহৰ সবিশেষ এফ চি আইৰ ৱেব ছাইটৰ জৰিয়তে জানিব পাৰিব।
ইয়াৰ উপৰি সবিশেষ জানিবলৈ আমাৰ নিয়োগ সম্বন্ধীয় ৱেব ছাইটত প্ৰকাশ পোৱা বাতৰিটোও চাব পাৰে – FCI Recruitment 2019- 4,103 Various Posts (Apply Online)
আবেদনকাৰী সকলে ৩০ মাৰ্চৰ ভিতৰত এফ চি আইৰ অফিচিয়েল ৱেব ছাইটৰ জৰিয়তে অনলাইন আবেদন কৰিব লাগিব।
খালী হৈ থকা পদ সমূহৰ বাবে আপুনি কেনেদৰে আবেদন কৰিব সেয়া তলত উল্লেখ কৰা হ’ল
১. ইয়াৰ বাবে প্ৰথমে আপুনি এফ চি আইৰ অফিচিয়েল ৱেব ছাইটলৈ যাওক
২. দ্বিতীয়তে, আপুনি আবেদন কৰিব বিচৰা পদটোত ক্লিক কৰক
৩. ইয়াৰ পাছত আপুনি খালী হৈ থকা পদসমূহৰ পঞ্জীয়ন আৰু আবেদন প্ৰক্ৰিয়াৰ সবিশেষ ভালদৰে পঢ়ি লওক আৰু আবেদন দাখিল কৰক।
৪. আবেদন প্ৰক্ৰিয়া শেষ হোৱাৰ পাছত আপুনি আবেদনখন প্ৰিণ্ট আউট কৰি ল’ব।
উল্লেখ্য যে এফ চি আইত খালী হৈ থকা উক্ত পদ সমূহৰ বাবে কেনেধৰণৰ অৰ্হতাৰ প্ৰয়োজন, সংৰক্ষণ, পৰীক্ষাৰ নিয়মাবলী, পৰীক্ষা কেন্দ্ৰৰ উপৰি আবেদন প্ৰক্ৰিয়াৰ সকলো তথ্য এফ চি আইৰ ৱেবছাইটত বিস্তাৰিত ৰূপত উল্লেখ কৰা হৈছে।