ইমৰাণ খানৰ গ্ৰেপ্তাৰৰ পিছতে পাকিস্তানত তোলপাৰ লাগিছে। চৰম ৰাজনৈতিক চাপৰ পৰিস্থিতিৰ সৃষ্টি হৈছে। সূত্ৰৰ মতে, এনে এক জটিল পৰিস্থিতিত পাকিস্তানৰ প্ৰাক্তন প্ৰধানমন্ত্ৰীয়ে তেওঁক বিষ প্ৰয়োগ কৰি হত্যা কৰাৰ চেষ্টা চলোৱাৰ অভিযোগ তুলিছে। আদালতত থিয় হৈ ইমৰানে কয় যে জিম্মাত তেওঁৰ ওপৰত অকথ্য নিৰ্যাতন চলোৱা হৈছে।
ইমৰাণ খানক দুৰ্নীতিৰ গোচৰত দোষী সাব্যস্ত কৰা হৈছে। ইছলামবাদৰ আদালতে তেওঁক ৮ দিনৰ বাবে দুৰ্নীতি বিৰোধী শাখাৰ জিম্মালৈ প্ৰেৰণ কৰিছে।
লগতে পঢ়ক: Karnataka Exit Poll 2023: ৰিপাব্লিক টিভিৰ সমীক্ষাত কৰ্ণাটকত কংগ্ৰেছ পুনৰ ক্ষমতালৈ অহাৰ ইংগিত
মঙলবাৰে গ্ৰেপ্তাৰ হোৱাৰ পিছত বুধবাৰে আদালতত হাজিৰ কৰোৱা হয় ইমৰাণক। তাত পাকিস্তানৰ প্ৰাক্তন প্ৰধানমন্ত্ৰীগৰাকীয়ে কেইবাটাও বিস্ফোৰক অভিযোগ উত্থাপন কৰে। শ্বাহবাজ শ্বৰীফৰ আৰ্থিক প্ৰৱঞ্চনাৰ গোচৰৰ সাক্ষী মকছুদ চাপ্ৰাছিৰ মৃত্যুৰ দৰে একেই ভাগ্য তেওঁৰো হ’ব পাৰে বুলি আশংকা কৰিছে ইমৰাণ খানে।
পাকিস্তানৰ প্ৰাক্তন প্ৰধানমন্ত্ৰীগৰাকীয়ে আদালতত কয়, ‘যোৱা ২৪ ঘন্টাত এবাৰো শৌচাগাৰলৈ যাবলৈ দিয়া হোৱা নাই। দেখাত মই মকছুদ চাপ্ৰাছিৰ দৰে বলি হ’ম। তেওঁক বিশেষ বেজী দিয়া হৈছিল। ফলত তেওঁৰ শাৰীৰিক অৱস্থা ক্ৰমান্বয়ে অৱনতি ঘটিছিল। শেষত হৃদৰোগত মৃত্যু হয়। মইও অনুভৱ কৰোঁ যে একেটা বিষাক্ত বেজীয়ে মোক লাহে লাহে মৃত্যুৰ মুখলৈ ঠেলি দিব।”
লগতে পঢ়ক: লেখিকাক ধৰ্ষণৰ অপৰাধত দোষী সাব্যস্ত ড’নাল্ড ট্ৰাম্প; ৪১০ কোটি টকাৰ জৰিমনা বিহিলে আদালতে
ইমৰাণক ১৪ দিনৰ বাবে জিম্মাত ৰখাৰ অনুমতি বিচাৰিছিল যদিও পাকিস্তানৰ প্ৰাক্তন প্ৰধানমন্ত্ৰী ৮ দিন জিম্মাত থাকিব। তেওঁ আদালতত কয় যে তেওঁৰ ব্যক্তিগত চিকিৎসকক জিম্মাত লৈ যাত্ৰা কৰিবলৈ দিয়া উচিত। অৱশ্যে ইমৰাণৰ এই আবেদন গ্ৰহণ কৰা হৈছে নে নাই সেয়া জানিব পৰা হোৱা নাই।
