দেশৰ জনতাক আংশিক সকাহ দি আজি কেন্দ্ৰীয় চৰকাৰে ইন্ধনৰ মূল্য সামান্য হ্ৰাস কৰাৰ কথা ঘোষণা কৰিছে।
সেইমৰ্মে পেট্ৰ’লৰ মূল্য ৯.৫০ টকা আৰ ডিজেলৰ মূল্য প্ৰতি লিটাৰত ৭ টকাকৈ হ্ৰাস কৰা হ’ব।
আজি বিত্ত মন্ত্ৰী নিৰ্মলা সীতাৰমণে ভয়ংকৰ মুদ্ৰাস্ফীতিৰ মাজতে ইন্ধনৰ মূল্যৰ ওপৰত কেন্দ্ৰীয় আবকাৰী শুল্ক হ্ৰাস কৰাৰ কথা ঘোষণা কৰে। পেট্ৰ’লৰ ওপৰত কেন্দ্ৰীয় আবকাৰী শুল্ক প্ৰতি লিটাৰত ৮ টকাকৈ হ্ৰাস কৰা হৈছে আৰু ডিজেলৰ ওপৰত সেই শুল্ক প্ৰতি লিটাৰত ৬ টকাকৈ হ্ৰাস কৰা হৈছে।
তেওঁ লগতে কয় যে এনেদৰে কেন্দ্ৰীয় আবকাৰী শুল্ক হ্ৰাস কৰাৰ ফলত চৰকাৰে ১ লাখ কোটি টকা হেৰুৱাব।
মন্ত্ৰীগৰাকীয়ে ৰাজ্যসমূহক একে ধৰণৰ কৰ্তন কাৰ্যকৰী কৰিবলৈ আৰু সাধাৰণ মানুহক লাভাৱান্বিত কৰিবলৈ আহ্বান জনায়।
উল্লেখ্য শেহতীয়াকৈ পেট্ৰ’ল, ডিজেলৰ দাম চৰকাৰে একপ্ৰকাৰ ধাৰাবাহিক ভাবে বৃদ্ধি কৰি গৈছিল।
ৰাছিয়াই ইউক্ৰেইন আক্ৰমণ কৰাৰ পাৰ্শ্বক্ৰিয়া হিচাবেই ইন্ধনৰ মূল্য বৃদ্ধি কৰা হৈ আহিছে বুলি চৰকাৰে কৈ আহিছে।
