বিশ্বজুৰি ক’ৰ’না ভাইৰাছে চলোৱা ত্ৰাসৰ ফলত ইয়াৰ পৰা হাত সাৰিবলৈ সমগ্ৰ ভাৰততে এতিয়া চলি আছে ল’কডাউন।
ল’কডাউনৰ ফলত এতিয়া ছাত্ৰ-ছাত্ৰীসকলৰ বহু শৈক্ষিক দিন ক্ষতি হৈছে।
তাৰ মাজতে গুৱাহাটী বিশ্ববিদ্যালয়ে ঘোষণা কৰিছে নতুন বৰ্ষৰ শৈক্ষিক সূচী।
বিশ্ববিদ্যালয়ৰ অধীনৰ মহাবিদ্যালয় সমূহলৈ নতুন শৈক্ষিক সূচী ঘোষণা।
বিশ্ববিদ্যালয়ে এক জাননী যোগে ঘোষণা কৰিছে নতুন শৈক্ষিক সূচীৰ।
উচ্চতৰ মাধ্যমিকৰ ফলাফলৰ লগত সংগতি ৰাখি অহা ১৫ জুলাইৰ ভিতৰত সম্পূৰ্ণ হ’ব স্নাতক প্ৰথম ষান্মসিকৰ নামভৰ্তি।
জাননীত উল্লেখ থকা অনুসৰি অহা জুন মাহত অনুষ্ঠিত হ’ব স্নাতক দ্বিতীয়, চতুৰ্থ আৰু ষষ্ঠ ষান্মসিকৰ পৰীক্ষাসমূহ।
সকলো ধৰণৰ স্নাতকোত্তৰ পৰীক্ষা ১৫ আগষ্টৰ পাছতহে অনুষ্ঠিত কৰাৰ সিদ্ধান্ত বিশ্ববিদ্যালয় কতৃপক্ষৰ।
বি এড এম. এড পৰীক্ষাসমূহ জুলাইৰ শেষ সপ্তাহৰ পৰা আৰম্ভ হ’ব বুলি জাননীত উল্লেখ কৰা হৈছে।