অসমৰ কংগ্ৰেছ সাংসদ গৌৰৱ গগৈয়ে বৃহস্পতিবাৰে বিজেপিক তীব্ৰ সমালোচনা কৰি কয় যে প্ৰধানমন্ত্ৰী নৰেন্দ্ৰ মোদীয়ে মহাৰাষ্ট্ৰ চৰকাৰক অস্থিৰ কৰাৰ পৰিৱৰ্তে বানপীড়িত অসম ভ্ৰমণ কৰা উচিত।
“যদি কোনো সংকট হৈছে, সেয়া বানপানীৰ। বিজেপি ক্ষমতাৰ বাবে অন্ধ হৈ পৰিছে। অসমত বানপানী হৈছে। প্ৰধানমন্ত্ৰীয়ে ৰাজ্যখন ভ্ৰমণ কৰি বিশেষ পেকেজ ঘোষণা কৰা উচিত, কিন্তু তেওঁ মহাৰাষ্ট্ৰ চৰকাৰ উৎখাত কৰাৰ বাবে বা গুজৰাট নিৰ্বাচনত ব্যস্ত… বিজেপিৰ বাবে কেৱল ক্ষমতাহে গুৰুত্বপূৰ্ণ,” কংগ্ৰেছ সাংসদ গৌৰৱ গগৈয়ে কয়।
লগতে পঢ়ক: Maharashtra Crisis: একনাথ সিন্দেকে ধৰি ১৭-২০ জন বিদ্ৰোহী বিধায়ক আছে ইডিৰ নজৰত; দাবী সঞ্জয় ৰাউটৰ
বৰ্তমান বানপানীৰ ঢৌত অসমৰ ৩৪ খন জিলাৰ ৪১ লাখৰো অধিক লোক ক্ষতিগ্ৰস্ত হৈছে।
কুচিয়াৰা, লংগাই আৰু চিংলা নদীৰ পানীয়ে জিলাখনৰ অধিক অঞ্চল প্লাবিত কৰাৰ ফলত জিলাখনৰ ১.৩৪ লাখৰো অধিক লোক প্ৰভাৱিত হোৱাৰ পিছত অসমৰ কৰিমগঞ্জ জিলাৰ বান পৰিস্থিতিৰ অৱনতি ঘটিছে। বানপানীৰ ফলত জিলাখনৰ কেইবাটাও মুখ্য পথ ডুবি গৈছে।
অসমত এই বছৰ এতিয়ালৈকে ৰাজ্যখনত বানপানী আৰু ভূমিস্খলনত ৮২ জন লোকৰ মৃত্যু হৈছে।
কেৱল নামনি অসমৰ বৰপেটা জিলাত ১২.৩০ লাখৰো অধিক লোক ক্ষতিগ্ৰস্ত হৈছে, তাৰ পিছত দৰঙত ৪.৬৯ লাখ, নগাঁৱত ৪.৪০ লাখ, বজালীত ৩.৩৮ লাখ, ধুবুৰীত ২.৯১ লাখ, কামৰূপত ২.৮২ লাখ, গোৱালপাৰাত ২.৮০ লাখ, কাছাৰত ২.০৭ লাখ, নলবাৰীত ১.৮৪ লাখ, দক্ষিণ শালমাৰাত ১.৫১ লাখ, বঙাইগাঁৱত ১.৪৬ লাখ, আৰু কৰিমগঞ্জ জিলাত ১.৩৪ লাখ।
লগতে পঢ়ক: TMC protest মহাৰাষ্ট্ৰৰ বিধায়কক ৰাজ আতিথ্য কিয়? ৰেডিশ্যন ব্লুৰ সন্মুখত অসম তৃণমূল কংগ্ৰেছৰ প্ৰতিবাদ
অসম দুৰ্যোগ ব্যৱস্থাপনা কৰ্তৃপক্ষই (এএছডিএমএ) লগতে জনাইছে যে প্ৰাকৃতিক দুৰ্যোগৰ মাজত সাতজন লোক সন্ধানহীন হৈ আছে আৰু ৰাজ্যখনৰ ৮১০ টা সাহায্য শিবিৰত ২,৩১,৮১৯ জন লোকে আশ্ৰয় লৈ আছে।
এই দুৰ্যোগৰ ফলত মুঠ ১,১৩, ৪৮৫.৩৭ হেক্টৰ ভূমি ক্ষতিগ্ৰস্ত হৈছে। আনহাতে এএছডিএমএ-য়ে ইয়াৰ প্ৰতিবেদনত সদৰী কৰিছে যে ক্ষতিগ্ৰস্ত অঞ্চলবোৰৰ পৰা কমেও ১১,২৯২জন লোকক স্থানান্তৰ কৰা হৈছে। প্ৰায় ২.৩২ লাখ লোক বৰ্তমান সাহায্য শিবিৰত বন্দী হৈ আছে।
বৃহস্পতিবাৰে পুৱা গুৱাহাটীত শিৱসেনাৰ নেতা একনাথ সিন্দেৰ নেতৃত্বত বিধায়কসকলৰ বিদ্ৰোহী গোটত আৰু তিনিজন শিৱসেনা বিধায়কে যোগদান কৰাৰ যাৰ ফলত শাসনাধিষ্ঠিত মহা বিকাশ অঘাডী চৰকাৰৰ ৰাজনৈতিক অস্থিৰতা অধিক গভীৰ হৈ পৰিছে।
লগতে পঢ়ক:কেৱল শাৰীৰিকভাৱেই বলৱান নহয়; অপত্য স্নেহৰ গুণেৰেও তুলনাবিহীন হাতী: ভিডিঅ’
তেওঁলোকে গুৱাহাটীৰ ৰেডিচন ব্লু হোটেলত উপস্থিত হয় য’ত আন বিদ্ৰোহী বিধায়কসকল বাহৰ পাতি আছে।
যোৱা নিশা আৰু চাৰিজন বিধায়কে গুৱাহাটীৰ সিন্দে শিৱিৰত যোগদান কৰিছিল। ইয়াৰ সৈতে যোৱা ২৪ ঘণ্টাত বিদ্ৰোহী গোটত যোগদান কৰা বিধায়কৰ সংখ্যা সাতজনলৈ বৃদ্ধি পাইছে।
