পুনৰ ধৰ্মীয় মৌলবাদীৰ বলি হ’বলগীয়া হ’ল এগৰাকী মহিলা। এইবাৰ এই ঘটনা সংঘটিত হৈছে উত্তৰ প্ৰদেশৰ মোৰাদাবাদ জিলাত।
খবৰ অনুসৰি মুছলমান পৰিয়ালৰ পৰা হিন্দু পৰিয়াললৈ বিয়া হৈ অহা মহিলাগৰাকীয়ে নিজৰ স্বামীৰ সৈতে বজাৰ কৰিবলৈ বুলি উলাই গৈছিল। আৰু তাতেই হিন্দু যুৱকৰ সৈতে বিয়া হোৱাৰ অপৰাধত মহিলাগৰাকীক প্ৰহাৰ কৰে কেইগৰাকীমান মৌলবাদী মুছলমান ব্যক্তিয়ে।
ইতিমধ্যে এই ঘটনাৰ এটা ভিডিঅ’ ভাইৰেল হৈ পৰিছে ছ’চিয়েল মিডিয়াত। ভাইৰেল ভিডিঅ’টোত দেখা গৈছে যে ২০২৩ চনৰ ২২ মে’ত এজন লোক নিজৰ পত্নীৰ সৈতে বজাৰলৈ আহিছিল। তাত এদল মুছলমান যুৱকে তেওঁলোকৰ বাট আগুচি ধৰে আৰু মহিলাগৰাকীক আক্ৰমণৰ লক্ষ্য কৰি লয়। অশেষ চেষ্টাৰ পিছতো মহিলাগৰাকীক আততায়ীৰ প্ৰহাৰৰ পৰা স্বামীয় ৰক্ষা কৰিব নোৱাৰিলে।
সমগ্ৰ ঘটনাৰ ভিডিঅ’ ভাইৰেল হৈ পৰাৰ পিছতেই আৰক্ষীয়ে ঘটনা সন্দৰ্ভত তাৎক্ষণিকভাবে ব্যৱস্থা গ্ৰহণ কৰে। ঘটনাৰ বিৰুদ্ধে এজাহাৰ দাখিল কৰা হয়। জানিব পৰা মতে, ভুক্তভোগী মহিলাগৰাকীয়ে এখন চিকিৎসালয়ত কাম কৰে। কিছুদিন পূৰ্বে স্বামীৰ সৈতে দুয়োৰে আইনী বিবাহ সম্পন্ন হৈছিল।
ইতিমধ্যে আৰক্ষীয়ে এই ঘটনাৰ তদন্ত আৰম্ভ কৰিছে।
