দেশৰ এগৰাকী সফলতম ক্ৰীড়াবিধ তথা ২০১৪ বৰ্ষৰ কমনৱেলথ ক্ৰীড়াৰ সোণৰ পদক বিজয়ী ববিতা ফোগতে সক্ৰিয় ৰাজনীতিত অংশগ্ৰহণৰ বাবে চৰকাৰী চাকৰি ইস্তফা দিছে।
মল্লযুঁজাৰু ববিতাই হাৰিয়ানা চৰকাৰৰ ক্ৰীড়া যুৱকল্যাণ বিভাগৰ উপ সঞ্চালকৰ পদত কাৰ্যনিবাহ কৰি আছিল।
উল্লেখ্য যে ২০১৪ চনত কমনলৱেথ ক্ৰীড়াত মল্ল যুঁজত সোণৰ পদক লাভ কৰাৰ পিছত ববিতাই ২০১৮ চনত অৱসৰ গ্ৰহণ কৰিছিল।
ইয়াৰ পিছতে বিজেপি দলত যোগদান কৰি ২০১৯ চনত হাৰিয়ানা বিধান সভাৰ নিৰ্বাচনত প্ৰতিদ্বন্দ্বিতা কৰিছিল যদিও ববিতাই নিৰ্বাচনত পৰাজয় বৰণ কৰে।
এতিয়া সক্ৰিয় ৰাজনীতিত অধিক মনোনিৱেশ কৰাৰ উদ্দেশ্যে ক্ৰীড়াবিদ গৰাকীয়ে চৰকাৰী চাকৰি ত্যাগ কৰিছে বুলি জানিবলৈ দিছে।
