বিশ্বজুৰি ক’ৰ’নাৰ আতংকৰ মাজতে ৰাজ্যবাসীলৈ এক ভাল খবৰ।
অসমত মুঠ কোভিদ১৯ ৰোগীৰ সংখ্যা হ্ৰাস পাইছে ৭ গৰাকীলৈ। কিয়নো আজি গোলাঘাট অসামৰিক চিকিৎসালয় আৰু মহানগৰীৰ মহেন্দ্ৰ মোহন চৌধুৰী চিকিৎসালয়ৰ পৰা মুঠ ৮ গৰাকী ৰোগীক ইতিমধ্যে মুক্তি দিয়া হৈছে।
এম এম চি এইচৰ পৰা মুক্তি কৰি দিয়া ১ জন ধুবুৰী আঅৰু ৩ জন নলবাৰীৰ।
NHMৰ ৰাজ্যিক কাৰ্যালয়ত এক সংবাদমেল সম্বোধন কৰি এই কথা জনায় স্বাস্থ্য মন্ত্ৰী হিমন্ত বিশ্ব শৰ্মাই।
‘আজিৰ দিনটোত গোলাগাট অসামৰিক চিকিৎসালয়ৰ পৰা মুঠ ৪ গৰাকী ৰোগীক মুকলি কৰি দিয়া হৈছে। অন্য ৪ গৰাকী ৰোগীক মহেন্দ্ৰ মোহন চৌধুৰী চিকিৎসালয়ৰ পৰা মুক্ত কৰি দিয়া হ’ব।‘ মন্ত্ৰীগৰাকীয়ে সংবাদমেলত জনায়।
বৰ্তমানলৈকে মুঠ ২৭ গৰাকী কোভিদ-১৯ ৰোগীক চিকিৎসালয়ৰ পৰা মুক্ত কৰি দিয়া হৈছে।
তাৰ পৰিপ্ৰেক্ষিতত চিকিৎসাৰত কোভিড-১৯ ৰোগীৰ সংখ্যা মাত্ৰ ৭ জনলৈ হ্ৰাস পালে বুলি সদৰী কৰে মন্ত্ৰীগৰাকীয়ে। ৩০ এপ্ৰিলৰ পূৰ্বে এই ৰোগীসকলৰ কিছুসংখ্যকক মুক্তি দিব পৰা হ’ব বুলি মন্ত্ৰীগৰাকীয়ে আশা প্ৰকাশ কৰিছে।
অৱশ্যে ইমান সংখ্যক ৰোগীক মুক্তি কৰি দিয়াৰ পাছতো প্ৰথমগৰাকী ৰোগী জামালুদ্দিনক বৰ্তমানো মুক্তি দিব পৰা নাই বুলি জানিবলৈ দি মন্ত্ৰীগৰাকীয়ে লগতে কয় ‘তেওঁ শিলচৰ মেডিকেল কলেজত চিকিৎসাধীন হৈ আছে আৰু তেওঁৰ ৰিজাল্ট বাৰম্বাৰ পজিটিভ দেখুৱাই আছে।‘
উল্লেখযোগ্য যে, ৰাজ্যত বৰ্তমানলৈকে মুঠ ৩৫ গৰাকী লোক এই ৰোগত আক্ৰান্ত হৈছে আৰু এজনে ইতিমধ্যে মৃত্যুক সাবটি ল’বলগীয়া হৈছে।
