আৰ প্ৰজ্ঞানন্দাৰ পাছত গুকেশৰ হাতত পৰাজয়ৰ সন্মুখীন বিশ্বৰ শ্ৰেষ্ঠ দবা খেলুৱৈ মেগনাছ কাৰ্লছন

বিশ্ব চেম্পিয়ন ডি গুকেশেৰ হাতত পৰাজয়ৰ সন্মুখীন বিশ্বৰ শ্ৰেষ্ঠ দবা খেলুৱৈ মেগনাছ কাৰ্লছন। ১৯ বছৰীয়া ভাৰতীয় দবা খেলুৱৈগৰাকীয়ে ধ্ৰুপদী দবাত এই কৃতিত্ব অৰ্জন কৰিছে। নৰৱে অ’পেন (নৰ্ৱে চেছ ২০২৫)ৰ ষষ্ঠ ৰাউণ্ডত ডি গুকেছে মেগনাছ কাৰ্লছনৰ বিৰুদ্ধে খেলিছিল।

সম্পূৰ্ণ মেচখন কাৰ্লছনে আধিপত্যৰে খেলিছিল যদিও ভাৰতীয় খেলুৱৈগৰাকীৰ হাতত পৰাস্ত হয়। খেলৰ অন্তত গুকেশে এই কথা প্ৰকাশ কৰে যে মেচ চলি থকাৰ সময়ত খেলৰ প্ৰত্যাহাৰ কৰাৰ কথা মনলৈ অহিছিল। অৱশ্যে তেওঁ হাৰ নামানিলে।

কাৰ্লছনে কল্পনাও কৰিব পৰা নাছিল যে তেওঁ এনেদৰে পৰাজয় বৰণ কৰিব! কাৰ্লছনৰ মুখত চৰম হতাশা পৰিস্ফুট হৈ পৰিছিল। অৱশ্যে লগে লগে নিজকে নিয়ন্ত্ৰণ কৰি গুকেশৰ হাত মিলাই। আনহাতে, ভাৰতীয় দবা খেলুৱৈগৰাকীৰো চকু আশ্চৰ্য্যৰে ভৰি পৰিল। কাৰ্লচেনক পৰাস্ত কৰি গুকেশে বিশ্বাস কৰিব পৰা নাছিল।

উল্লেখ্য যে যিকোনো ফৰ্মেটতে মেগনাছক পৰাস্ত কৰাটো অত্যন্ত প্ৰত্যাহ্বান মূলক যদিও এই জয়ৰ জৰিয়তে গুকেশে ৮.৫ পইণ্টৰে নৰৱে অ’পেনত চতুৰ্থ স্থানৰ পৰা দ্বিতীয় স্থানলৈ অগ্ৰগতিলাভ কৰিছে। ইফালে কাৰ্লচেন আৰু ফেবিয়ানো কাৰুয়ানা যৌথভাৱে শীৰ্ষ স্থানত আছে। প্ৰসংগক্ৰমে যোৱা সপ্তাহত একেখন প্ৰতিযোগিতাতে কাৰ্লচেনে গুকেশক পৰাস্ত কৰিছিল। অৱশ্যে এইবাৰ গুকেশে ইয়াৰ যুগ্য প্ৰত্যুত্তৰ দিলে।