Drugs traffickers arrested কামৰূপ জিলাৰ আলিকাষত হাজো আৰক্ষীয়ে খেদি খেদি আটক কৰিবলৈ সক্ষম হৈছে দুটাকৈ কুখ্যাত ড্ৰাগছ সৰবৰাহকাৰী।
অভিযানত জব্দ কৰা হৈছে বৃহৎ পৰিমাণৰ অবৈধ নিচাযুক্ত টেবলেট।
এয়া পুনৰ হাজো আৰক্ষীৰ এক বৃহৎ সফলতা হিচাপে বিবেচিত হৈছে।
এইবাৰ আৰক্ষীয়ে হাজো-গুৱাহাটী ৰাজপথত খেদি খেদি স্কুটি সহিতে আটক কৰিবলৈ সক্ষম হৈছে দুটাকৈ কুখ্যাত ড্ৰাগছ সৰবৰাহকাৰী।
হাজো আৰক্ষীৰ জালত পৰা এই কুখ্যাত ড্ৰাগছ সৰবৰাহকাৰী দুটা হৈছে ক্ৰমে গুৱাহাটী হাতীগাঁৱৰ নটবমা অঞ্চলৰ ৰিজাউল আলী আহমেদ আৰু আব্দুৰ ৰছিদ।
Also Read: কলিয়াবৰৰ বামুণীৰ মথৌখাটত সাত বছৰীয়া কন্যা শিশুৰ লোমহৰ্ষক হত্যাকাণ্ড
এক গোপন খবৰৰ ভিত্তিত হাজো আৰক্ষী থানাৰ ভাৰপ্ৰাপ্ত আৰক্ষী বিষয়া বাবুল কুমাৰ মেধিয়ে চলাইছিল এই অভিযান।
ইতিমধ্যে এই দুই কুখ্যাত ড্ৰাগছ সৰবৰাহকাৰীক জিম্মাত লৈ আৰু অধিক তথ্যৰ বাবে সোধাপোছা অব্যাহত ৰাখিছে হাজো আৰক্ষীয়ে।
