সমগ্ৰ বিশ্বৰ লগতে ভাৰততো ক’ৰ’না ভাইৰাছৰ সংক্ৰমণে গুৰুতৰ ৰূপ ধাৰণ কৰাৰ সময়ত দেশৰ বিভিন্ন অনুষ্ঠান-প্ৰতিষ্ঠানে বিজাণুমুক্ত কৰা হেণ্ড চেনিটাইজাৰকে আদি কৰি বিভিন্ন সামগ্ৰী প্ৰস্তুত কৰি প্ৰশাসনক সহযোগিতাৰে সামাজিক দায়বদ্ধতাৰ পৰিছয় দাঙি ধৰিছে।
গুৱাহাটীৰ গিৰিজানন্দ চৌধুৰী ইষ্টিটিউট অফ ফাৰ্মাচিউটিকেল চায়েঞ্চৰ এন এছ এছ য়ুনিটে বিশ্ব স্বাস্থ্য সংস্থাৰ নিৰ্দেশনাবলী অনুসৰি নিজৰ পৰীক্ষাগাৰত এলকহলযুক্ত হেণ্ড চেনিটাইজাৰ প্ৰস্তুত কৰি উলিয়াইছে।
৭ মে’ত গিৰিজানন্দ চৌধুৰী ইষ্টিটিউটৰ কেম্পাছত অধ্যক্ষ ড০ গৌৰাংগ দাসৰ লগতে শিক্ষক সদস্য সকলে আজৰা অঞ্চলৰ ৰাইজৰ মাজত ২০০ ৰো অধিক চেনিটাইজাৰ বিতৰণ কৰাৰ লগতে ক’ৰ’নাৰ সজাগতা সম্বন্ধে ৰাইজক বিভিন্ন আভাস দিয়ে।
প্ৰতিষ্ঠানখনৰ তৰফৰ পৰা আজৰা আৰক্ষী চকীৰ আৰক্ষী বিষয়া আৰু জোৱান সকলৰ মাজতো চেনিটাইজাৰ বিতৰণ কৰে।
চেনিটাইজাৰ বিতৰণ কাৰ্য্যসূচীৰ সময়ত সকলোৱে সামাজিক দূৰত্ব মানি চলাৰ লগতে উপস্থিত ৰাইজকো সামাজিক দূৰত্ব মানি চলা সম্পৰ্কত সজাগ কৰে।
উল্লেখযোগ্য যে, গিৰিজানন্দ চৌধুৰী ইনষ্টিটিউট অফ মেনেজমেণ্ট এণ্ড টেকনলজি আৰু ফাৰ্মাচিউটিকেল চায়েঞ্চে বিভিন্ন সময়ত সামাজিত দায়বদ্ধতাৰ পৰিছয় দি বিভিন্ন কাৰ্য্যসূচী গ্ৰহণ কৰি আহিছে।