শত্ৰুৱে চৌদিশৰ পৰা ঘেৰি ধৰিছে ইউক্ৰেইনৰ ৰাজধানী কিভ।
এনে পৰিস্থিতিত দেশ খনৰ ৰাষ্ট্ৰপতিয়ে সুৰক্ষাৰ স্বাৰ্থত বিদেশলৈ পলায়ন কৰাৰ খবৰ আহিছে।
ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে পোলেণ্ডলৈ পলায়ন কৰা বুলি দাবী কৰিছে ৰাছিয়াৰ সংসদৰ অধ্যক্ষই।
ৰাছিয়াৰ সেনাই যোৱা ন দিন ধৰি কিভ দখল কৰিবলৈ চেষ্টা চলাই আছে।
অৱশ্যে ইউক্ৰেইনৰ সেনাৰ প্ৰতিৰোধৰ বাবে ৰাছিয়াৰ সেনা সফল হ’ব পৰা নাই যদিও কিভৰ নিচেই কাষত অৱস্থান কৰিছে।
জেলেনস্কিয়ে দেশ ত্যাগ কৰিলে ৰাছিয়াৰ সেনাই সহজে কিভ দখল কৰিবলৈ সক্ষম হ’ব বুলি বহুতে ধাৰণা কৰিছে।
কিছুদিন পূৰ্বে ইউক্ৰেইনৰ ৰাষ্ট্ৰপতি জেলেনস্কিয়ে টেলিভিছনত দিয়া ভাষণত কৈছিল যে তেওঁ ৰাছিয়াৰ প্রধান লক্ষ্য হৈ পৰিছে আৰু ৰাছিয়াৰ বাহিনীয়ে তেওঁৰ পৰিয়ালকো নিঃশেষ কৰিব বিচাৰিছে।
অৱশ্যে ৰাষ্ট্ৰপতিৰ পলায়নৰ খবৰ এতিয়াও ইউক্ৰেইনৰ চৰকাৰে নিশ্চিত কৰা নাই।
