কলিয়াবৰৰ মিছা মিলন সংঘত স্বাস্থ্যমন্ত্ৰী কেশৱ মহন্তই মাইক্ৰ’ফাইনেঞ্চৰ পৰা ঋণ লোৱা মহিলাসকলক চেক বিতৰণ কৰে। পশ্চিম কলিয়াবৰ উন্নয়ণ খণ্ডৰ অন্তৰ্গত প্ৰায় তিনি হাজাৰ আৰু কলিয়াবৰ উন্নয়ণ খণ্ডৰ অধীনত প্ৰায় তিনি হাজাৰৰো অধিক মহিলাক চেক প্ৰদান কৰে স্বাস্থ্যমন্ত্ৰী গৰাকীয়ে।
ভাষণ প্ৰসংগত স্বাস্থ্যমন্ত্ৰী গৰাকীয়ে মাইক্ৰ’ফাইনেঞ্চৰ পৰা ঋণ লোৱা মহিলাসকলক ঋণমুক্ত কৰিবলৈ প্ৰায় বাৰ হাজাৰ কোটি টকা পৰিশোধ কৰিব লাগিব বুলি কোৱাৰ লগতে এই বাৰ হাজাৰ কোটি টকা প্ৰদান কৰোতে উন্নয়ণ কিছু পলম হ’ব বুলি কয়। কিয়নো এই বাৰ হাজাৰ কোটি টকাটো ৰাইজৰ উন্নয়ণৰে টকা।
লগতে পঢ়ক: মধ্যবিত্তৰ মূৰত মাধমাৰ! ইপিএফঅ’-ই হ্ৰাস কৰিলে সুতৰ হাৰ; চাৰি দশকৰ ভিতৰত সৰ্বনিম্ন
সভাত স্বাস্থ্যমন্ত্ৰী গৰাকীয়ে মুখ্যমন্ত্ৰীৰ প্ৰশংসা কৰি কয়, ‘’আমাৰ মুখ্যমন্ত্ৰীয়ে কথা যেনেকৈ কয়, কামো তেনেকুৱাকৈয়ে কৰে। এনে মুখ্যমন্ত্ৰী এইবাৰেই প্ৰথম।‘’
আনহাতে, মাইক্ৰফাইনেঞ্চৰ পৰা ঋণ লোৱা মহিলাসকল ঋণমুক্ত কৰিবলৈ প্ৰায় বাৰ হাজাৰ কোটি টকা পৰিশোধ কৰিব লাগিব বুলি কোৱাৰ লগতে এই ১২হাজাৰ কোটি টকা প্ৰদান কৰোতে উন্নয়ণ কিছু পলম হ’ব বুলি স্বাস্থ্যমন্ত্ৰী গৰাকীয়ে বক্তব্য প্ৰদান কৰাৰ লগতে এই বাৰ হাজাৰ কোটি টকাটো ৰাইজৰ উন্নয়ণৰে টকা বুলি বক্তব্য প্ৰদান কৰাৰ পাছতে এতিয়া সচেতন মহলত প্ৰতিক্ৰিয়াৰ সৃষ্টি হৈছে।
ৰাইজৰ উন্নয়ণৰে টকাৰে মাইক্ৰফাইনেঞ্চৰ ঋণ পৰিশোধ কৰি উন্নয়ন স্থবিৰ কৰাটো কেতিয়াও গ্ৰহণ যোগ্য হব নোৱাৰে বুলিও সচেতন মহলে মত প্ৰকাশ কৰিছে।
লগতে পঢ়ক: অভিলেখ! এদিনতে ৮১জনৰ মৃত্যুদণ্ড কাৰ্যকৰী কৰিলে চৌদি আৰৱে
ইপিনে, চৰকাৰে প্ৰদান কৰা চেক সমূহত বহুতো বিসংগতি দেখা পোৱা গৈছে। ঋণ লোৱা মহিলাসকলৰ কিছু কিছু মহিলাৰ চেকত কেৱল নামহে আছে কিন্তু উপাধি নাই। একাংশ মহিলাৰ আকৌ চেকত মহিলা গৰাকীৰ নামৰ লগত স্বামীৰ নামো সন্নিবিষ্ট হৈছে যাৰ বাবে বেংক কৰ্তৃপক্ষই মহিলাসকলক যৌথ একাউণ্ট বিচাৰিছে। আন কোনো কোনো মহিলাৰ আকৌ ঠিকনাৰ খেলি মেলি হোৱাও দেখা পোৱা গৈছে।
