শিৱসাগৰ ৱেব মিডিয়া এচ’চিয়েছন, দিখৌপৰীয়ী সন্মিলীত যুৱ সংঘ আৰু আলোক সংঘৰ সৌজন্যত শিৱসাগৰ কেন্দ্ৰীয়ত অসমৰ নৱ-চেতনাৰ চিন্তাদূত, জাতীয়তাবাদূ ৰূপাকাৰ, উপন্যাসিক, লেখক হিৰণ্য কুমাৰ ভট্টাচাৰ্যলৈ শ্ৰদ্ধাঞ্জলি জনোৱা হয়।
উল্লেখ্য যে যোৱা ৪ এপ্ৰিলত ৮৬ বছৰ বয়সত গুৱাহাটীৰ নেমকেয়াৰ হাস্পাতেলত শেষ নিশ্বাস ত্যাগ কৰে।
এগৰাকী প্ৰাক্তান আৰক্ষীৰ বিষয়াৰ লগতে তেওঁ এগৰাকী জাতীয়তাবাদী চিন্তাধাৰাৰ ব্যক্তি, একাধাৰে সাহিত্যিক, লেখক আছিল।
জাতীয়তাবাদী চিন্তা-চৰ্চাৰে নিজকে উজলাই তোলা অবৈধ অনুপ্ৰৱেশকাৰীৰ ভয়ানক সমস্যাৰ বিৰুদ্ধে যুঁজ দিছিল এইগৰাকী আপোচবিহীন প্ৰতিবাদী সত্বাই।
‘কাৰাৰুদ্ধ জীৱনৰ বাকৰুদ্ধ কাহিনী’কে ধৰি বহুকেইখন গ্ৰন্থ তেওঁ লিখি থৈ গৈছে হিৰণ্য কুমাৰ ভট্টাচাৰ্যই।
আজিৰ এই শ্ৰদ্ধাঞ্জলি অনুষ্ঠানৰ আৰম্ভণিতে শিৱসাগৰ জিলা সাহিত্য সভাৰ সম্পাদক সন্তোষ দত্তই হিৰণ্য কুমাৰ ভট্টাচাৰ্যৰ প্ৰতিচ্ছবিৰ সন্মুখত বন্তি প্ৰজ্বলন কৰাৰ লগতে তেওঁৰ জাতীয়তাবাদী চিন্তাধাৰাৰ সম্পৰ্কত বহুমূলীয়া বক্তব্য আগবঢ়ায়।
শিৱসাগৰ ৱেব মেডিয়া এচ’চিয়েছনৰ সম্পাদক প্ৰাঞ্জল পূজাৰীয়ে আঁত ধৰা অনুষ্ঠানত সদৌ অসম মইনা পাৰিজাতৰ শিৱসাগৰ জিলা সমিতিৰ উপ-সভাপতি তৰুণ চন্দ্ৰ নাথে বক্তব্য আগবঢ়োৱাৰ লগতে সাংবাদিক সমুদ্ৰ বুঢ়াগোহাঁই, ৰাতু কুমাৰ দাস, জিনুল আহমেদ, মুস্তাকুৰ ৰহমান, প্ৰশান্ত বৰগোহাঁই, কল্যাণজ্যোতি বুঢ়াগোহাঁই, ৰাজেশ সিং, দেৱজিৎ গগৈ, ফৰিদ আলি, দৰথী চেতিয়া, মিনাজ আহমেদ, মুজাকিৰ আহমেদ, চৰিফুল আহমেদ,আৰবাজ আহমেদ চাহানা বেগমকে ধৰি বহুকেইজন সাংবাদিক উপস্থিত থাকে।