বাংগালুৰুস্থিত edu-tech কোম্পানী বাইজুছৰ প্ৰতিষ্ঠাপক বাইজু ৰবীন্দ্ৰনে দেশ এৰি পলায়ন কৰিছে। এনেকুৱাই আছিল উৰাবাতৰি। কিন্তু ৰবীন্দ্রনে উৰাবাতৰি খাৰিজ কৰি কয় যে এই সন্দর্ভত ভুল ধাৰণা আছে৷তেওঁ ডুবাইলৈ আহিছে। তেওঁৰ লক্ষ্য হৈছে তেওঁৰ বাইজুছক সংশয়মুক্ত কৰা। চাৰি বছৰৰ পাছত প্ৰথম ভাৰ্চুৱেল মিটিঙত বাইজু ৰবীন্দ্ৰনে দাবী কৰিছে যে শুনা কথাবোৰ মাথোঁ উৰাবাতৰিহে।
আজি তেওঁ কোৱা শুনা গ’ল, “মানুহে মোক ডুবাইলৈ পলাই যোৱা বুলি ভবাটো অতি দুৰ্ভাগ্যজনক। কিন্তু মই এবছৰ আগতে দেউতাৰ চিকিৎসাৰ বাবে ডুবাইলৈ আহিছিলো। আৰু সেইবাবেই মই ইয়াতে থাকিব লগা হৈছে। মই স্পষ্টকৈ ক’ব বিচাৰো, মই পলাই যোৱা নাছিলো।”
প্ৰসংগক্ৰমে বাইজু ৰবিন্দ্ৰনৰ বিৰুদ্ধে বৈদেশিক মুদ্ৰা আইন উলংঘা কৰাৰ অভিযোগ উত্থাপন হৈছে। দুবছৰমান আগতে বাইজুছ কোম্পানীত গুৰুতৰ সমস্যা হৈছিল। বৈদেশিক মুদ্ৰা আইন উলংঘা কৰাৰ অভিযোগত কেন্দ্ৰীয় তদন্তকাৰী সংস্থাই তেওঁলোকক ৯ হাজাৰ কোটি টকাৰ জৰিমনা বিহে। অৱশ্যে বাইজুছে সকলো অভিযোগ অস্বীকাৰ কৰে।
অৱশ্যে বিনিয়োগকাৰীসকলেই ইটোৰ পিছত সিটোকৈ এডু-টেক কোম্পানীটোৰ বিৰুদ্ধে অভিযোগ উত্থাপন কৰিছে। প্ৰতিষ্ঠাপকগৰাকীয়ে আমেৰিকাৰ কেইবাজনো বিনিয়োগকাৰীৰ সৈতেও আইনী যুঁজত লিপ্ত হয়। কিন্তু সকলো সমস্যা অতিক্ৰম কৰাৰ পিছত তেওঁ উভতি অহাৰ কথা ঘোষণা কৰিলে।
