ভাৰতীয় প্ৰযুক্তি বিদ্যা প্ৰতিষ্ঠান, গুৱাহাটীয়ে ২০১৯-২০ বৰ্ষৰ প্ৰসিদ্ধ নেছাৰ ইনডেক্সৰ সমীক্ষাত দেশৰ শিক্ষানুষ্ঠানৰ সমূহৰ ভিতৰত ষষ্ঠ স্থান লাভ কৰিছে।
নেছাৰ ইনডেক্সৰ সীমাক্ষাত আই আই টি গুৱাহাটীয়ে দেশৰ ৰসায়ন বিজ্ঞান প্ৰতিষ্ঠান সমূহৰ ভিতৰতো পঞ্চম স্থান অধিকাৰ কৰে।
আনহাতে, ফিজিকেল চায়েঞ্চৰ ক্ষেত্ৰত দেশৰ ভিতৰত সপ্তম আৰু লাইফ চায়েঞ্চৰ ক্ষেত্ৰত দেশৰ ভিতৰত নৱম স্থান অধিকাৰ কৰে আই আই টি গুৱাহাটীয়ে।
নেচাৰ ইনডেক্সৰ বাৰ্ষিক ৰেংকিঙত আই আই টি গুৱাহাটীয়ে বিশ্বৰ শিক্ষানুষ্ঠান সমূহৰ ভিতৰত ৩৫০ সংখ্যক স্থান দখল কৰে।
উল্লেখযোগ্য যে, দেশত ক’ৰ’না ভাইৰাছৰ সংক্ৰমণৰ সময়ত আই আই টি গুৱাহাটীৰ গৱেষক সকলে নতুন নতুন প্ৰযুক্তি উদ্ভাৱনেৰে চৰকাৰ তথা প্ৰশাসনক সহায় কৰিছে।
টেষ্টিং কিট, চেনিটাইজ মেচিন, পি পি ই আৰু মাস্কৰ লগতে অন্যান্য উদ্ভাৱনেৰে প্ৰতিষ্ঠানখনৰ শিক্ষাৰ্থীয়ে দেশবাসীক সংকটৰ সময়ত সহযোগিতা আগবঢ়াইছে।
কেন্দ্ৰীয় মানৱ সম্পদ বিকাশ মন্ত্ৰী ৰমেশ পোখৰিয়ালেও টুইট যোগে আই আই টি গুৱাহাটীৰ সঞ্চালক আৰু শিক্ষাৰ্থী সকলক ইয়াৰ বাবে বিশেষ কৃতজ্ঞতা জ্ঞাপন কৰে।