গো-সুৰক্ষা আইনক ভেঙুচালি কৰি ৰাজ্যত অব্যাহত আছে গৰুৰ চোৰাং বেহা।
কলিয়াবৰৰ জখলাবন্ধাত কন্টেইনাৰ বাহনত উদ্ধাৰ হৈছে চোৰাং গৰু।
আৰক্ষীৰ চকুত ধূলিদি চোৰে লৈছে এইবাৰ ন-ন কৌশল।
বিলাসী সামগ্ৰী কঢ়িয়াই নিয়া কন্টেইনাৰ বাহনত এতিয়া দুষ্টচক্ৰই সৰবৰাহ কৰে চোৰাং গৰু।
আইনক ভেঙুচালি কৰি চৰকাৰৰ কঠোৰতাৰ বিপৰীতে সাতত্ৰিশ নম্বৰ ঘাইপথেৰে অব্যাহত আছে গৰুৰ এই চোৰাং বেহা। চোৰাং বেপাৰীয়ে কৌশল সলনি কৰি গৰু সৰবৰাহৰ বাবে এইবাৰ ব্যৱহাৰ কৰিছে কন্টেইনাৰ।
আজি কাহিলী পুৱা সাতত্ৰিশ নম্বৰ ঘাইপথত কলিয়াবৰৰ জখলাবন্ধা আৰক্ষীয়ে দেৰগাৱঁৰ পৰা ৩৭ নম্বৰ ঘাইপথেৰে যোৰাবাটৰ ন-মাইললৈ সৰবৰাহ কৰা চোৰাং গৰুভৰ্তি কন্টেইনাৰ বাহন খন জব্দ কৰিবলৈ সক্ষম হয়।
আজি কাহিলিপুৱা তেত্ৰিশটা গৰুসহ এ এচ ০১ এম চি – ৯৫৫১ নম্বৰৰ কন্টেইনাৰ বাহনখন আৰু চালক হবিবুৰ ৰহমানক আটক কৰে জখলাবন্ধা আৰক্ষীয়ে।
কিন্তু এতিয়া প্ৰশ্ন হয় চৰকাৰৰ গো-সুৰক্ষা আইন খন কেতিয়াকৈ ফলপ্ৰসূ হব? কাৰ চত্ৰছায়াত চলি আছে গো-সৰবৰাহ?
গো-সুৰক্ষা আইনক ভেঙুচালি কৰা দুষ্টচক্ৰটোক প্ৰশাসনে নাকী লগোৱাত ব্যৰ্থতাৰ প্ৰকৃত ৰহস্যৰ আঁৰত কোনো প্ৰভাৱশালী লোকৰ হাত আছে নেকি সেই প্ৰশ্নই এতিয়া দোলা দিছে ৰাইজৰ মনত।
