টেনিছৰ ড‘প পৰীক্ষাৰ নতুন নিয়মক লৈ সৰৱ হৈ পৰিছে ছেৰেনা উইলিয়ামছ। তেওঁৰ মতে এই নিয়ম সম্পূৰ্ণ অযৌক্তিক। উইম্বলডনত প্ৰত্যাৱৰ্তন কৰাৰ আগতে এই ব্যৱস্থাক অপেশাদাৰী বুলিও কটাক্ষ কৰিছে ২৩টা গ্ৰেণ্ড শ্লেমৰ গৰাকীগৰাকীয়ে।
৪৪ বছৰীয়া ছেৰেনাই পুনৰ পেছাদাৰী টেনিছলৈ উভতি আহিব বিচৰাৰ বাবে তেওঁ নিৰ্দিষ্ট নিয়ম মানি চলিবলগীয়া হৈছে। তেওঁ ড‘প পৰীক্ষাও দিবলগীয়া হৈছে। এই অভিজ্ঞতাৰ বিষয়ে ছেৰেনাই কয় যে এইটো বহুত কষ্টকৰ আৰু ক্লান্তিকৰ। এতিয়া কিছুমান নিয়ম সলনি হৈছে যিবোৰ তেওঁ নাজানিছিল। তেওঁ কয় যে নিৰ্দিষ্ট সময়ৰ বাহিৰত কোনো পৰীক্ষা নিদিলেও সেয়া পৰীক্ষা বাতিল কৰা বুলি ধৰা হ‘ব, এনেকুৱা হ‘লে তেওঁ নিজৰ ল‘ৰা-ছোৱালীক আনিবলৈকো যাব নোৱাৰিব। সাতবাৰৰ উইম্বলডন চেম্পিয়নগৰাকীয়ে লগতে কয় যে এইটো একেবাৰে অপেশাদাৰী ব্যৱস্থা আৰু তেওঁ ইয়াক ঘিণ কৰে। তেওঁ ড‘প পৰীক্ষা অপ্ৰয়োজনীয় বুলি কোৱা নাই, কিন্তু নিৰ্দিষ্ট সময়ৰ বাহিৰত ক’ৰবালৈ যাব বিচাৰিলে যাবলৈ দিয়া উচিত। সেইটোক পৰীক্ষা নিদিয়া বুলি বিবেচনা কৰিব নালাগে। ২০২২ চনৰ পাছত পুনৰ ঘাঁহৰ ক‘ৰ্টত খেলিব ছেৰেনাই আৰু প্ৰথম মেচত তেওঁৰ প্ৰতিপক্ষ হৈছে মায়া জায়াণ্ট।
ছেৰেনাই জনাইছে যে ড‘প পৰীক্ষাৰ এই নতুন নিয়মৰ বাবে তেওঁ টেনিছলৈ উভতি অহাৰ ক্ষেত্ৰত যথেষ্ট দ্বিধাত আছিল। তেওঁ কয় যে এনেদৰে নিৰ্দিষ্ট সময়ৰ বাহিৰত ড‘প পৰীক্ষা দিয়াটো বহুত ডাঙৰ সমস্যা। তেওঁ বৰ ব্যস্ত মানুহ, তেওঁৰ দুটা সন্তান আছে আৰু নিজে এটা সংস্থাও চলায়। কামৰ বাবে বিভিন্ন দেশলৈ ঘূৰিবলগীয়া হয় আৰু বিভিন্ন সময়ত বেলেগ বেলেগ চহৰত থাকিবলগীয়া হয়। সেয়ে নিৰ্দিষ্ট সময়ৰ বাহিৰত ক’লে সকলো সময়তে পৰীক্ষা দিয়াটো সম্ভৱ নহয়।
টেনিছত ড‘প পৰীক্ষাৰ নতুন নিয়মত ছেৰেনা উইলিয়ামছ বিৰক্ত হৈ পৰিছে। পৰীক্ষকে নিৰ্দিষ্ট সময় শেষ হোৱাৰ এঘণ্টা পাছলৈকে সংশ্লিষ্ট খেলুৱৈজনক পৰীক্ষা দিবলৈ ক’ব পাৰে। সেই সময়ত তেওঁক বিচাৰি নাপালে ষ্ট্ৰাইক দিয়া হয়। তিনিবাৰ ষ্ট্ৰাইক পালে ড‘প পৰীক্ষাত ব্যৰ্থ হোৱা বুলি ধৰা হয়। শেহতীয়াকৈ টেনিছত ড‘প পৰীক্ষাক লৈ যথেষ্ট হুলস্থূল আৰম্ভ হৈছে। পৰীক্ষা নিদিয়াৰ বাবে প্ৰাক্তন উইম্বলডন চেম্পিয়ন মাৰ্কেটা ভন্দ্ৰোছোভা চাৰি বছৰৰ বাবে নিলম্বিত হৈছে।
