কাৰ্বি আংলঙত সেনা-আৰক্ষীৰে তুমুল সংঘৰ্ষত ৬জন ডিএনএলএ উগ্ৰপন্থী নিহত

দেওবাৰে পুৱা সেনা আৰু আৰক্ষীৰ সৈতে সংঘটিত এক সংঘৰ্ষত ডিমাছা নেশ্যনেল আৰ্মি (ডিএনএলএ)ৰ ৬জন উগ্ৰপন্থী নিহত হৈছে।

অসম-নাগালেণ্ড সীমান্তৰ মিছিবেইলামত এই সংঘৰ্ষৰ ঘটনা সংঘটিত হোৱা বুলি জানিব পৰা গৈছে।

আৰক্ষীয়ে নিহত উগ্ৰপন্থী কেইজনৰ কাষৰ পৰা এক বৃহৎ পৰিমানৰ অস্ত্ৰ-শস্ত্ৰ উদ্ধাৰ কৰিছে।

সূত্ৰসমূহৰ মতে বৰ্তমানো অভিযান চলি আছে।

ইপিনে, অসম আৰক্ষীৰ আইন-শৃংখলা শাখাৰ অতিৰিক্ত সঞ্চালক প্ৰধান জি পি সিঙে এক টুইটযোগে সদৰী কৰিছে যে আজি পুৱাই কাৰ্বি আংলঙৰ ধনশিৰি অঞ্চলত অসম আৰক্ষী আৰু আছাম ৰাইফলছৰ অভিযানত ৬জনকৈ ডিএনএলএ উগ্ৰপন্থী নিহত হৈছে।

In an early morning operation by @assampolice and Assam Rifles, six DNLA terrorists were neutralised in Dhansiri area of Karbi Anglong district. Large cache of arms & ammunition also recovered. @adgpi

— GP Singh (@gpsinghassam) May 23, 2021

তেওঁলোকৰ পৰা বৃহৎ পৰিমানৰ অস্ত্ৰ-শস্ত্ৰ উদ্ধাৰ কৰাৰ কথাও তেওঁ জানিবলৈ দিয়ে।

বাতৰিৰ সৱিশেষ অপেক্ষা কৰা হৈছে।