সোণ ব্যৱসায়ীৰ ঘৰত আয়কৰৰ অভিযান; উদ্ধাৰ নগদ ২৬ কোটি টকা, ৯০ কোটি টকাৰ সম্পত্তি জব্দ

মহাৰাষ্ট্ৰৰ নাচিকত আয়কৰ বিভাগৰ দলে এজন সোণৰ ব্যৱসায়ীৰ কেইবাটাও স্থানত অভিযান চলাইছে। এই অভিযানত উদ্ধাৰ হৈছে বিপুল পৰিমাণৰ নগদ ধন। আয়কৰ বিভাগৰ দলটোৱে মুঠ ২৬ কোটি টকাৰ নগদ ধন আৰু ৯০ কোটি টকাৰ সম্পত্তি জব্দ কৰিছে।

বাতৰি অনুসৰি, প্ৰায় ৩০ ঘণ্টা ধৰি আয়কৰ বিভাগৰ অভিযান অব্যাহত থাকে। আয়কৰ বিভাগৰ বিষয়াসকলে বাংলোৰ আচবাব ভাঙি নোটবোৰ উলিয়াই আনে।

নাচিকৰ ব্যৱসায়ীজনৰ চৌহদত চলোৱা অভিযানে সমগ্ৰ অঞ্চলটোত চাঞ্চল্যৰ সৃষ্টি কৰিছে। আয়কৰ বিভাগৰ দলটোৱে নাছিকৰ কানাডা কৰ্ণাৰ অঞ্চলত অৱস্থিত সুৰানা জুৱেলাৰ্ছ আৰু ইয়াৰ কেইবাটাও স্থানত অভিযান চলায়।

লগতে পঢ়কঃJawa 42 Bobber: এনফিল্ডক প্ৰত্যাহ্বান জনাই জাৱাই আনিছে এখন দুৰ্দান্ত বাইক; মূল্য ২.২৯ লাখ টকা

দুদিন ধৰি চলা এই অভিযানত আয়কৰৰ বিষয়াসকলে বহু সামগ্ৰী জব্দ কৰে।  আয়কৰ বিভাগে কৰ ফাঁকিৰ সন্দেহত এই ব্যৱস্থা গ্ৰহণ কৰিছিল।

নাচিক, নাগপুৰ আৰু জলগাঁৱৰ ৫০ জন বিষয়াই একেলগে এই অভিযানত অংশ লৈছিল। হঠাৎ চলোৱা অভিযানৰ বাবে বিতত হৈ পৰিছিল কৰ ফাঁকি দিয়া ব্যৱসায়ী। আচলতে যোৱা কেইদিনমানৰ পৰা আয়কৰ বিভাগৰ নিৰীক্ষণত আছিল কৰ ফাঁকি থকা ব্যৱসায়ীসকল। অভিযান চলাই থকা স্থানত বৃহৎ সংখ্যক আৰক্ষী বাহিনী মোতায়েন কৰা হয়।

Income Tax Department launched a raid on Surana Jewellers in Nashik, in response to alleged undisclosed transactions by the proprietor. About Rs 26 crore in cash and documents of unaccounted wealth worth Rs 90 crore have been seized in raids carried out by the Income Tax… pic.twitter.com/XJ0wyuI8HQ

— ANI (@ANI) May 26, 2024

নাচিকৰ দৰে আয়কৰ বিভাগে মনমাদ চহৰতো অভিযান চলাইছিল। আয়কৰ বিভাগে মালেগাওঁৰ এজন ব্যৱসায়ীৰ ঘৰ আৰু কাৰ্যালয়তো অভিযান চলায়।