আয়কৰ ৰিটাৰ্ণ দাখিলৰ সময়সীমা বৃদ্ধি কৰা হৈছে। কেন্দ্ৰীয় বিত্তমন্ত্ৰী নিৰ্মলা সীতাৰমণে কয় যে পূৰ্বৰ ৩১ ডিচেম্বৰৰ ভিতৰত আয়কৰ ৰিটাৰ্ণ দাখিলৰ সময়সীমা ৩১ মাৰ্চলৈ বৃদ্ধি কৰা হৈছে। সেই ক্ষেত্ৰত সামান্য জৰিমনা আদায় দিব লাগিব।
আয়কৰ ৰিটাৰ্ণ দাখিলৰ সময়সীমাও পৰ্যায়ক্ৰমে সলনি কৰা হৈছে। আইটিআৰ-১ আৰু আইটিআৰ-২ প্ৰ-পত্ৰৰ অধীনত আয়কৰ ৰিটাৰ্ণ দাখিল কৰাসকলে ৩১ জুলাইৰ ভিতৰত সেই কাম কৰিব লাগিব। অডিট নকৰা ব্যৱসায় বা ট্ৰাষ্টৰ ক্ষেত্ৰত ৩১ আগষ্টলৈকে আয়কৰ ৰিটাৰ্ণ দাখিল কৰিব পাৰিব।
কৰ আৰু আয়কৰৰ সৈতে জড়িত ডাঙৰ ঘোষণা
১) ১ এপ্ৰিলৰ পৰা কাৰ্যকৰী হ’ব নতুন আয়কৰ আইন।
২) গাড়ী দুৰ্ঘটনাত দাবী সন্দৰ্ভত কেন্দ্ৰীয় বিত্তমন্ত্ৰীয়ে এক বৃহৎ ঘোষণা কৰে। ‘মটৰ দুৰ্ঘটনা দাবী ন্যায়াধিকৰণ’ (মটৰ এক্সিডেন্ট ক্লেিমছ ট্ৰিবুনেল)ৰ জৰিয়তে লাভ কৰা সুত আয়কৰৰ পৰিসৰৰ বাহিৰত থাকিব। কোনো টিডিএছ (Tax Deducted at Source) কৰ্তন কৰা নহ’ব।
৩) লিবাৰেইজড ৰেমিটেঞ্চ স্কীম (LRS)ৰ অধীনত শিক্ষা আৰু স্বাস্থ্যৰ ক্ষেত্ৰত TCS (Tax Collected at Source) ৰ হাৰ পাঁচ শতাংশৰ পৰা দুই শতাংশলৈ হ্ৰাস কৰা হৈছে।
৪) ২০৪৭ চনলৈ কৰ ছুটী (টেক্স হলিডে) ঘোষণা কৰা হৈছে। ভাৰতীয় কোম্পানীক সেৱা আগবঢ়োৱা সেই সকলো বিদেশী কোম্পানীয়ে এই সুবিধা লাভ কৰিব।
৫) কেন্দ্ৰীয় বিত্তমন্ত্ৰীয়েও প্ৰবাসী ভাৰতীয়সকলক বাজেটত ভাল খবৰ দিছে। ভাৰতীয় কোম্পানীক মূলধনী সামগ্ৰী যোগান ধৰিলে প্ৰবাসী ভাৰতীয়সকলে পাঁচ বছৰৰ বাবে আয়কৰ ৰেহাই পাব বুলিও তেওঁ জনায়।
নতুন আয়কৰ গাঁথনি – কিমান কৰ আদায় দিব লাগিব?
কেন্দ্ৰীয় বিত্তমন্ত্ৰীয়ে আশা কৰা ধৰণেই আগবাঢ়িছে। এইবাৰ আয়কৰৰ গাঁথনি সলনি হোৱা নাই। ২০২৫-২৬ বিত্তীয় বৰ্ষৰ সম্পূৰ্ণ বাজেটত ঘোষণা কৰা হৈছিল নতুন আয়কৰ গাঁথনি। কেন্দ্ৰীয় বিত্তমন্ত্ৰী নিৰ্মলা সীতাৰমণে নতুন আয়কৰ গাঁথনিত কৰ কৰ্তনৰ সীমা ১২ লাখ টকালৈ বৃদ্ধি কৰে। পূৰ্বে এয়া ৭ লাখ টকা আছিল। দৰমহা পোৱাসকলে ষ্টেণ্ডাৰ্ড ডিডকচন হিচাপে ৭৫ হাজাৰ টকাৰ অতিৰিক্ত সুবিধা লাভ কৰিছে। কিন্তু নতুন আয়কৰ গাঁথনিত কোনো অতিৰিক্ত কৰ ৰেহাইৰ ব্যৱস্থা নাই।
আয়কৰ আদায়ৰ শ্লেব
১) ৪ লাখ টকা পৰ্যন্তঃ শূন্য।
২) ৪ লাখৰ পৰা ৮ লাখ টকা : ৫ শতাংশ।
৩) ৮ লাখৰ পৰা ১২ লাখ টকা : ১০ শতাংশ।
৪) ১২ লাখ টকাৰ পৰা ১৬ লাখ টকা : ১৫ শতাংশ।
৫) ১৬ লাখ টকাৰ পৰা ২০ লাখ টকা : ২০ শতাংশ।
৬) ২০ লাখৰ পৰা ২৪ লাখ টকাঃ ২৫ শতাংশ।
৭) ২৪ লাখতকৈ অধিক: ৩০ শতাংশ।
