শ্ৰীলংকাৰ বিৰুদ্ধে এদিনীয়াত ২-১ব্যৱধানত ছিৰিজ জয় কৰাৰ পাছত টী-২০ছিৰিজতো জয়েৰে শৃংখলা আৰম্ভ কৰিছে ভ্ৰমণকাৰী ভাৰতীয় দলে।
তিনিখনীয়া টী-২০ ছিৰিজৰ প্ৰথমখন মেচত শ্ৰীলংকাত ৩৮ৰাণত পৰাজিত কৰিছে ভাৰতে।
কলম্বোত ভাৰতৰ ১৬৫ৰাণৰ লক্ষ্য অনুসৰণ কৰি শ্ৰীলংকাই ১৮.৩ অভাৰত ১২৬ ৰাণ কৰি অল আউট হৈ যায়। ভাৰতে ১-০ ব্যৱধানত ছিৰিজত অগ্ৰগতি লাভ কৰে।
মূল দলৰ বহুকেইগৰাকী খেলুৱৈক জিৰণি দিয়া ভাৰতে প্ৰথমে বেটিং কৰিবলৈ নামি প্ৰথমটো বলতেই পৃথ্বী শ্ব’ৰ উইকেট হেৰুৱায়।
ইয়াৰ পাছতে অধিনায়ক শিখৰ ধাৱানে ৩৬টা বলত ১টা ছয় আৰু ৪টা চাৰিৰ সহায়ত ৪৬ৰাণ কৰে। সেইদৰে, সূৰ্যকুমাৰ যাদবে ৩৪টা বল খেলি ২টা ছয় আৰু ৫টা চাৰিৰ সহায়ত ৫০ৰাণ কৰে।
তৃতীয় উইকেটৰ যুটীত ধাৱান আৰু যাদৱে ৪৯টা বলত ৬০ৰাণ যোগ দিয়ে। শেষলৈ ইষাণ কিষানে ১৪টা বলত অপৰাজিত ২০ ৰাণ কৰে।
ভাৰতে নিৰ্দিষ্ট ২০ অভাৰত ৫ উইকেটৰ বিনিময়ত ১৬৪ৰাণ কৰে।
ইপিনে, ১৬৫ৰাণৰ লক্ষ্য আগত ৰাখি বেটিং কৰিবলৈ নমা শ্ৰীলংকাৰ চাৰিথ আছালংকাৰ বিদায়ৰ লগে লগে ইনিংছত খহনীয়া নামে।
২৬টা বলত ৪৪ৰাণৰ দুৰ্দান্ত ইনিংছ খেলা আছালংকাৰে দীপক চাহাৰৰ বলত পৃথ্বী শ্ব’ৰ হাতত কেচ দি বিদায় লয়। তাৰ পাছত ১৫ৰাণৰ ভিতৰতে বাকী সকলো বেটছমেন আউট হৈ যোৱা শ্ৰীলংকাই নিৰাশাৰে খেলপথাৰ এৰে।
খেলখনত ২২ৰাণৰ বিনিময়ত ৪টা উইকেট দখল কৰা ভুৱনেশ্বৰ কুমাৰক মেন অৱ দ্য মেচ ঘোষণা কৰা হয়।