স্বৰ্ণ লাভৰ স্বপ্ন ভংগ হ’ল ভাৰতীয় হকী দলৰ। প্ৰবল পৰাক্ৰমেৰে আগুৱাই গৈ শেষত ছেমি ফাইনেলত জাৰ্মানীৰ হকী দলৰ লগত ২-৩ গ’লৰ ব্যৱধানত পৰাস্ত হয় ভাৰতৰ হকী দল।
মঙলাবাৰে নিশা হোৱা ছেমি ফাইনেলত ভাৰতীয় দলৰ হৰমনপ্ৰীত সিঙে খেলখনৰ প্ৰথমটো গ’ল দিয়ে। খেলখনৰ প্রথমার্ধত আক্ৰমণাত্মক ৰূপত আগুৱাই আছিল ভাৰতীয় হকী দল। প্ৰথমাৰ্ধত ভাৰতৰ শক্তিশালী প্ৰদৰ্শনে ভাৰতৰ বিজয়ৰ আশাৰ ৰেঙনি জিলিকাই তুলিছিল যদিও খেলখনৰ পিছলৈ জাৰ্মানীয়ে অগ্ৰগতি লাভ কৰে।
উত্তেজনাপূৰ্ণ খেল খনত প্ৰথমে জাৰ্মানীয়ে ডিফেন্সিফ খেলি আছিল যদিও দ্বিতীয়াৰ্ধত জাৰ্মানী তীব্ৰ আক্ৰমণাত্মক হৈ উঠে।
উল্লেখ্য যে উক্ত খেলখনত ভাৰতে কেইবাটাও পেনাল্টি কৰ্ণাৰ লাভ কৰিছিল যদিও তাক সদব্যৱহাৰ কৰি গ’ল স্ক’ৰ কৰাত ব্যৰ্থ হয় ভাৰত। যদি পেনাল্টই কৰ্ণাৰ সমূহত ভাৰতে স্ক’ৰ কৰিলেহেঁতেন তেন্তে জয় লাভ নিশ্চিত হ’লহেতেঁন ভাৰতৰ।
বিৰতিৰ সময়ত ১-২ গ’লত পিছ পৰি আছিল ভাৰত। দ্বিতীয়াৰ্ধৰ দহ মিনিটৰ ভিতৰতে খেলখনত সমতা স্থাপন কৰি এটা গ’ল দিয়ে সুখজিৎ সিঙে। কিন্তু খেলখন শেষ হোৱাৰ ছয় মিনিটৰ আগতে জাৰ্মানীয়ে এটা গ’ল দি খেলখন জয়ী হয়।
