Covid-19 Update নৱবৰ্ষৰ আৰম্ভণিতে দেশত কৰ’নাৰ দৈনিক সংক্ৰমণে পুনৰ এক ভয়ংকৰ সময়ৰ জাননী দিছে। মাত্ৰ কেইদিনমানৰ ভিতৰতে কৰ’নাৰ দৈনিক সংক্ৰমণ ২৫ হাজাৰ বৃদ্ধি পোৱাটো স্বাভাৱিকতে উদ্বেগৰ কাৰণ হৈ পৰিছে।
সোমবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ৩৩ হাজাৰ ৭৫০জন লোক। দেওবাৰে দেশত মুঠ ক’ৰ’নাত আক্ৰান্ত হৈছিল ২৭হাজাৰ ৫৫৩জন লোক।
সোমবাৰে শতাংশ হিচাপত দেশত ২২.৫ শতাংশ কৰ’না আক্ৰান্ত বৃদ্ধি পাইছে।
বিগত ২৪ ঘন্টাত দেশত কৰ’নাত আক্ৰান্ত হৈ ১২৩ জন লোকৰ মৃত্যু হৈছে।
Also Read: দুলীয়াজানত আজিৰে পৰা আৰক্ষী অধীক্ষকসকলৰ দুদিনীয়া সন্মিলন; উপস্থিত মুখ্যমন্ত্ৰী হিমন্ত বিশ্ব শৰ্মা
দেশত এতিয়ালৈ কৰ’নাত মৃত্যু হোৱা মুঠ লোকৰ সংখ্যা হৈছে ৪ লাখ ৮১হাজাৰ ৮৯৩জন।
যোৱা ২৪ ঘন্টাত দেশত কৰ’নাৰ পৰা আৰোগ্য লাভ কৰা ৰোগীৰ সংখ্যা হৈছে ১০হাজাৰ ৮৪৬জন লোক।
দেশত এতিয়ালৈ কৰ’না পৰা আৰোগ্য লাভ কৰা মুঠ ৰোগীৰ সংখ্যা হৈছে ৩কোটি ৪২ লাখ ৯৫হাজাৰ ৪০৭জন।
ইপিনে, দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ১ লাখ ৪৫ হাজাৰ ৫৮২জন। বহুতেই দেশত কৰ’নাৰ তৃতীয় ঢৌ আৰম্ভ হোৱা বুলি ক’ব খোজে।
Also Read: কৰ’নাত আক্ৰান্ত লিঅ’নেল মেছি; PSGৰ আন তিনি সতীৰ্থও পজিটিভ
ইপিনে, আজিৰে পৰা ১৫বছৰৰ পৰা ১৮ বছৰৰ ভিতৰৰ শিশুসকলক ভেকচিন দিয়া অভিযান আৰম্ভ কৰা হৈছে।
ইপিনে, দেশত কৰ’নাৰ তৃতীয়টো ঢৌৰ আশংকাক আগত ৰাখি দেশবাসীক কোভিড বিধি মানি চলিবলৈ বাৰম্বাৰ আহ্বান জনাই আহিছে বিশেষজ্ঞসকলে।
