দেশত কৰ’নাৰ দ্বিতীয়টো ঢৌৱে ব্যাপক সন্ত্ৰাসৰ সৃষ্টি কৰিছে। দিনে দিনে সংক্ৰমণৰ ঘটনাই অভিলেখ গঢ়িবলৈ লৈছে। যোৱা ২৪ঘন্টাত দেশত প্ৰথমবাৰৰ বাবে দৈনিক মৃত্যুৰ সংখ্যাই ৪হাজাৰ অতিক্ৰম কৰিছে।
শনিবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ৪ লাখ ১হাজাৰ ৭৮ জন লোক। শুকুৰবাৰৰ তুলনাত এয়া সামান্য কম।
সেইদৰে যোৱা ২৪ ঘণ্টাত দেশত ৩৪হাজাৰ ১৮৭ জন কোভিড আক্ৰান্তৰ মৃত্যু হৈছে।
ইপিনে, দেশত যোৱা ২৪ ঘন্টাত কৰ’নাৰ পৰা আৰোগ্য লাভ কৰিছে ৩লাখ ১৮হাজাৰ ৬০৯ জন ৰোগীয়ে। সেইদৰে দেশত কৰ’নাৰ পৰা আৰোগ্য লাভ কৰা মুঠ ৰোগীৰ সংখ্যা হৈছে ১কোটি ৭৯লাখ ৩০ হাজাৰ ৯৬০ জন লোক।
মন্ত্ৰ্যালয়ে প্ৰকাশ কৰা অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ২লাখ ৩৪ হাজাৰ ২৭০ জনৰ।
আনহাতে, বৰ্তমানেও দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ৩৭লাখ ২৩হাজাৰ ৪৪৬জন।
সেইদৰে, বৰ্তমান দেশত মুঠ কৰ’না আক্ৰান্ত ৰোগীৰ সংখ্যা ২কোটি ১৮লাখ ৯২হাজাৰ ৬৭৬জনলৈ বৃদ্ধি পাইছে।
বৰ্তমানলৈ দেশত ১৬কোটি ৭৩ লাখ ৪৬হাজাৰ ৫৪৪ জন লোকক কৰ’নাৰ ভেকচিন প্ৰদান কৰা হৈছে।
ইপিনে, কৰ’নাৰ দ্বিতীয়টো ঢৌৰ সন্ত্ৰাসৰ মাজতে বিশেষজ্ঞসকলে তৃতীয় ঢৌৰ আশংকা প্ৰকাশ কৰিছে। চলিত বছৰৰ মাজভাগতে দেশত তৃতীয় ঢৌ আহি পৰাৰ সম্ভাৱনা ব্যক্ত কৰিছে।
