কানাডাত ৰহস্যজনকভাৱে মৃত্যু হৈছে ভাৰতীয় মূলৰ এহাল দম্পতী আৰু তেওঁলোকৰ কন্যাৰ। তেওঁলোকে কানাডাৰ অন্টাৰিঅ’ প্ৰদেশত বাস কৰিছিল।
ৰহস্যজনকভাৱে তেওঁলোকৰ ঘৰত আগ্নিকাণ্ড সংঘটিত হয়। অগ্নিকাণ্ডৰ ফলত তিনিজন লোকৰ মৃত্যু হয়। কানাডাৰ আৰক্ষীৰ মতে, যোৱা ৭ মাৰ্চত এই কাণ্ড সংঘটিত হৈছিল।
লগতে পঢ়কঃ এনেকৈয়ে বাৰাক ওবামাই ইলন মাস্ক আৰু জেফ বেজোছক দিলে এশিকনি
তিনিওজন লোকৰ দেহ ইমানেই জ্বলি গৈছিল যে প্ৰথমে চিনাক্ত কৰিব পৰা নাছিল। অৱশেষত আৰক্ষীয়ে জনোৱা মতে, মৃত লোকসকলৰ নাম ৰাজীৱ ৱাৰিকাও (৫১), শিল্পা কোঠা (৪৭) আৰু মেহক ৱাৰিকাও (১৬)।
অগ্নিকাণ্ডৰ পিছত প্ৰাৰম্ভিক তালাচী আৰু অনুসন্ধানৰ অন্তত আৰক্ষীয়ে জানিবলৈ দিয়ে যে দম্পতীহালৰ ঘৰত জুই লগাই দিয়া হৈছিল। আৰক্ষীয়ে জনোৱা মতে, এয়া কোনো দুৰ্ঘটনা নহয়।
প্ৰত্যক্ষদৰ্শীয়ে জনোৱা মতে, ঘটনাৰ দিনা তেওঁলোকে বিস্ফোৰণৰ শব্দ শুনিছিল। তাৰপিছত তেওঁলোকে দেখিলে যে ঘৰটোত দপদপকৈ জুই জ্বলি আছে।
লগতে পঢ়কঃ ‘মই পদ্মশ্ৰী পোৱা উচিত’, মন্তব্য শ্বীনা বৰাৰ হত্যাৰ অভিযুক্ত ইন্দ্ৰাণী মুখাৰ্জীৰ
বাতৰি অনুসৰি, ৰাজীৱ ৱাৰিকাই আগতে টৰন্টো পুলিচতো কাম কৰিছিল। ২০১৬ চনত তেওঁ অৱসৰ গ্ৰহণ কৰে। মেহকে ফুটবল খেলিছিল বুলি জানিব পৰা গৈছে। আৰক্ষীয়ে ঘটনাৰ তদন্ত অব্যাহত ৰাখিছে।