ভাৰতৰ জনসংখ্যা বিস্ফোৰণে মাত্ৰ ৩৮ বছৰৰ ভিতৰত সৰ্বাধিক সংখ্যাত উপনীত হ’ব। ২১০০ চনত ভাৰতে সৰ্বাধিক জনসংখ্যাৰ স্বৰ্ণ পদক লাভ কৰিব। ৰূপৰ পদক চীনলৈ আৰু ব্ৰঞ্জৰ পদক পাকিস্তানলৈ। ২০৬২ চনৰ ভিতৰত জনসংখ্যাৰ ক্ষেত্ৰত ভাৰতে শিখৰত উপনীত হ’ব। তেতিয়া দেশৰ জনসংখ্যা হ’ব ১৭০.১ কোটি। এই তথ্য বৃহস্পতিবাৰে ৰাষ্ট্ৰসংঘৰ বিশ্ব জনসংখ্যা বৃদ্ধিৰ প্ৰতিবেদনত প্ৰকাশ পাইছে।
বৰ্তমান সৰ্বাধিক জনবহুল দেশ ভাৰতে এই শতিকাৰ শেষৰ ফালে সেই অভিলেখ অক্ষুণ্ণ ৰাখিব বুলি ৰাষ্ট্ৰসংঘৰ প্ৰতিবেদনত প্ৰকাশ পাইছে। ৰাষ্ট্ৰসংঘৰ প্ৰতিবেদন অনুসৰি ২০৬২ চনৰ জানুৱাৰীৰ পৰা জুলাইৰ ভিতৰত ভাৰতৰ জনসংখ্যা হ্ৰাস পাবলৈ আৰম্ভ কৰিব। সেই বছৰ ভাৰতৰ জনসংখ্যা ২ লাখ ২২ হাজাৰ বৃদ্ধি পাব। ইয়াৰ পাছত দেশৰ জনসংখ্যাৰ হাৰ হ্ৰাস পাই থাকিব।
২০৬৩ চনত দেশত ১ লাখ ১৫ হাজাৰ লোকৰ সংখ্যা হ্ৰাস পাব। ২০৬৪ চনত পুনৰ ৪ লাখ ৩৭ হাজাৰ আৰু ২০৬৫ চনত ৭ লাখ ৯৩ হাজাৰ জনসংখ্যা বৃদ্ধি পাব। বৰ্তমান ভাৰত বিশ্বৰ ভিতৰতে সৰ্বাধিক জনবহুল দেশ। এতিয়া দেশত ১৪৫.১ কোটি লোক বাস কৰে। তাৰ পাছত চীন।চীনত ১৪১.৯ কোটি লোক বাস কৰে। ইয়াৰ উপৰিও আমেৰিকাৰ জনসংখ্যা মাত্ৰ ৩৪.৫ কোটি।
উল্লেখযোগ্য যে ২০৫৪ চনত ভাৰত আৰু চীনে নিজৰ স্থিতি অক্ষুণ্ণ ৰাখিলেও পাকিস্তানে আমেৰিকাক চেৰ পেলাব। ৩৮.৯ কোটি জনসংখ্যাৰে তৃতীয় স্থানত উপনীত হ’ব পাকিস্তান। এই স্থিতি একবিংশ শতিকালৈকে চলি থাকিব।
বিশ্বৰ ছবিখন দেখুৱাই ৰাষ্ট্ৰসংঘৰ প্ৰতিবেদনত কোৱা হৈছে যে ২০৮৩ চনৰ পৰা বিশ্বৰ জনসংখ্যা হ্ৰাস পাই থাকিব। বৰ্তমানৰ জনসংখ্যা ৮১৬ কোটি সেই বছৰ ১০১৯.৯৯ কোটি হ’ব। এই বছৰৰ পৰা ২০৫৪ চনলৈকে আফ্ৰিকাৰ জনসংখ্যা বৃদ্ধি হ’বলগীয়া দেশসমূহ হ’ল এংগোলা, মধ্য আফ্ৰিকা, কংগো, নাইজাৰ আৰু ছোমালিয়া। একে সময়তে প্ৰতিবেদনত উল্লেখ কৰা হৈছে যে ২০৮০ চনৰ ভিতৰত ৬৫ বছৰ বয়সৰ লোকৰ সংখ্যা ১৮ বছৰৰ তলৰ লোকতকৈ বেছি হ’ব।
