ভাৰত-ম্যানমাৰ সীমান্ত বাণিজ্য ছাগাইং অঞ্চলত বুধবাৰৰ পৰা পুনৰ আৰম্ভ হ’ব। অঞ্চলটোত কৰ’নাৰ সংক্ৰমণৰ হাৰ হ্ৰাস পোৱাৰ পৰিপ্ৰেক্ষিতত এই সিদ্ধান্ত গ্ৰহণ কৰা হৈছে বুলি জানিবলৈ দিছে টামু মাৰ্চেন্ট এছ’চিয়েশ্যনৰ বিষয়াই।
বিষয়াগৰাকীয়ে কয়,’’ভাৰত আৰু ম্যানমাৰে ২০২০ৰ মাৰ্চত কোভিড-১৯ৰ বাবে ম্যানমাৰৰ টামু চহৰাঞ্চল আৰু ভাৰতী চহৰ মোৰে’ৰ মাজত যাতায়তকে ধৰি সীমান্ত বন্ধ কৰি দিছিল।‘’
ম্যানমাৰৰ টাইমছৰ বাতৰি অনুসৰি, দুয়োখন দেশৰ মাজৰ সীমান্ত বাণিজ্য পুনৰ মুকলি হ’ব যদিও কৰ’নাৰ সংক্ৰমণ কেনেদৰে প্ৰতিৰোধ কৰিব পৰা যায় সেই বিষয়েও আলোচনা কৰা হ’ব।
৬জানুৱাৰিৰ পৰা আৰম্ভ হ’বলগীয়া সীমান্ত বাণিজ্যৰ ক্ষেত্ৰত কিছুমান নিয়ম সালসলনি কৰা হ’ব কিয়নো ভাৰতত এইতয়াও ভাইৰাছৰ সংক্ৰমণ চলি আছে।
ভাৰত-ম্যানমাৰ সীমান্ত বাণিজ্যৰ বেছিভাগতেই টামু পাৰ হৈ যাব লাগে আৰু তাৰ পাছতেই দ্বিতীয় আটাইতকৈ ব্যস্ত চিন ষ্টেট মেলা পোৱা যায়। সেয়েহে, সকলো স্বাস্থ্যবিধি অনুসৰণ কৰা হ’ব।
আনহাতে, টামুৰ সীমান্ত বজাৰ নান ফাৰ ল’ন এতিয়াও খুলিব পৰা নাই।
বাতৰি অনুসৰি, প্ৰথমতে সীমান্তৰ ১নম্বৰ গেইট খুলি দিয়া হ’ব আৰু টামু আৰু মোৰে’ৰ মাজৰ যাতায়ত সীমিত কৰা হ’ব।
আনহাতে, বাণিজ্য আৰম্ভ হোৱাৰ লগে লগে দুয়ো পক্ষৰ লোকে মানিব লগীয়া নিয়মসমূহ ঘোষণা কৰা হ’ব।
