‘মূৰ্খ সজোৱা হৈছে, মই পুতলা হৈ পৰিছিলো’, বাদশ্বাহক লৈ বিস্ফোৰক ঈশা

বিগ বছ ২০ৰ ঘৰত নিজৰ বিবাহিত জীৱনৰ কঠিন অভিজ্ঞতাৰ বিষয়ে মুকলিকৈ ক’লে ঈশা ৰিখীয়ে। সহ-প্ৰতিযোগী কনিকা মানৰ সৈতে হোৱা এক বাৰ্তালাপত অভিনেত্ৰীগৰাকীয়ে দাবী কৰে যে তেওঁ কেৱল মানসিকভাৱে নহয়, সম্পৰ্কত শাৰীৰিক আৰু সামাজিক প্ৰতাৰণাৰো সন্মুখীন হ’বলগীয়া হয়। যদিও সেই কথা-বতৰাত ঈশাই পোনপটীয়াকৈ নিজৰ প্ৰাক্তন স্বামী তথা ৰেপাৰ বাদশ্বাহৰ নাম উল্লেখ কৰা নাছিল।

ঈশাৰ মতে, তেওঁক এই সম্পৰ্কত নিজকে বিশেষ ব্যক্তি বুলি অনুভৱ কৰাইছিল যদিও পিছত তেওঁ উপলব্ধি কৰিছিল যে প্ৰকৃত ছবিখন সম্পূৰ্ণ বেলেগ। তেওঁৰ মতে তেওঁক ‘বেষ্ট ফ্ৰেণ্ড’ৰ দৰে গুৰুত্ব দিয়া হৈছিল যদিও সেই ব্যক্তিজনৰ জীৱনত আন কেইবাটাও ঘনিষ্ঠ সম্পৰ্ক আছিল।

ঈশাই লগতে দাবী কৰে যে তেওঁক আৰামদায়ক জীৱনত ৰখা হৈছিল আৰু একে সময়তে আনৰ সৈতে নিজৰ ধৰণে সম্পৰ্ক স্থাপনৰ স্বাধীনতাও বিচৰা হৈছিল।

কণিকাই তেওঁক সোধে যে তেওঁক শাৰীৰিকভাৱে নে মানসিকভাৱে প্ৰতাৰণা কৰা হৈছে? ঈশাই উত্তৰ দিয়ে, ‘সকলো ধৰণৰ’। তেওঁ কয় যে সম্পৰ্ক শেষ হোৱাৰ পিছত তেওঁ বুজি পাইছিল যে তেওঁক দেখুওৱা ছবিখন বাস্তৱ নহয়। সেই উপলব্ধিক তেওঁ অতি বেদনাদায়ক বুলি অভিহিত কৰিছে। এই মন্তব্যৰ পিছত স্বাভাৱিকতে  ঈশা আৰু বাদশ্বাহৰ বিচ্ছেদৰ বিষয়টো পুনৰ সন্মুখলৈ আহিল।

ঈশাৰ কথাই সম্পৰ্কত ‘সুবিধা’ প্ৰসংগটো আৰু অধিক উঠি আহিল। তেওঁৰ মতে কেতিয়াবা এজন ব্যক্তিয়ে আন কাৰোবাক নিজৰ জীৱনত এনেদৰে ৰাখিব পাৰে কাৰণ সেই সম্পৰ্কৰ পৰা তেওঁ কিছু বিশেষ সুবিধা লাভ কৰে। কিন্তু সম্পৰ্কত আনজনৰ প্ৰকৃত অৱস্থান বা ভূমিকা সদায় স্পষ্ট নহয়।

এই অভিজ্ঞতাৰ বিষয়ে কওঁতে ঈশাই কয় যে সম্পৰ্কৰ সময়ত তেওঁ সত্যটো সম্পূৰ্ণৰূপে বুজি পোৱা নাছিল। বৰঞ্চ সম্পৰ্ক শেষ হোৱাৰ পিছত তেওঁৰ বাবে কথাবোৰ স্পষ্ট হ’বলৈ ধৰিলে।

২০২৬ চনত তেওঁলোকৰ বিবাহৰ খবৰ পোহৰলৈ আহে আৰু পিছত দুয়োজনে যৌথ বিবৃতিত নিজৰ নিজৰ পথত যোৱাৰ সিদ্ধান্ত ঘোষণা কৰে। সেই বিবৃতিত বিচ্ছেদৰ কাৰণ সন্দৰ্ভত কোনো সবিশেষ দিয়া হোৱা নাছিল আৰু দুয়োজনে ব্যক্তিগত বিষয়ক লৈ জল্পনা-কল্পনা নকৰিবলৈ অনুৰোধ জনাইছিল।

কিছুদিন পিছত ‘বিগ বছ ২০’ ঘৰত ঈশাৰ মন্তব্য চৰ্চালৈ আহে। ফলত তেওঁৰ বক্তব্যক ইণ্টাৰনেটত বাদশ্বাহৰ সৈতে সম্পৰ্কৰ মাজলৈ টানি অনাটো স্বাভাৱিক। অৱশ্যে গুৰুত্বপূৰ্ণ কথাটো হ’ল, **কণিকাৰ সৈতে হোৱা সেই কথা-বতৰাত ঈশাই পোনপটীয়াকৈ বাদশ্বাহৰ নাম উল্লেখ কৰা নাই।

ইছাৰ এই বক্তব্য ওলোৱাৰ পিছৰে পৰা চচিয়েল মিডিয়াত আৰম্ভ হৈছে আলোচনা। বিশেষকৈ ‘শাৰীৰিক, আৱেগিক আৰু সামাজিক প্ৰতাৰণা’ এই মন্তব্যক লৈ বিভিন্ন জল্পনা-কল্পনা চলি আহিছে। অৱশ্যে কোনটো ঘটনা বা ব্যক্তিক উদ্দেশ্যি ঈশাই এই মন্তব্য কৰিছিল সেই সন্দৰ্ভত তেওঁৰ কথা-বতৰাত পোনপটীয়াকৈ স্পষ্ট হোৱা নাই। সেয়ে নিশ্চিত তথ্য আৰু নেট মাধ্যমৰ জল্পনা-কল্পনাৰ মাজত পাৰ্থক্য ৰখাটো প্ৰয়োজন।