ৰাজকীয় অভিষেক বুলি ক’লে কিজানি বৰ বেছিকৈ কোৱা নহ’ব। ভাৰতীয় ক্ৰিকেট দলৰ নৱাগত তাৰকাৰ নাম হৈছে ইশান কিষান।
অভিষেক মেচতেই নিজকে উজলাই তোলাটো এগৰাকী ক্ৰিকেটাৰৰ বাবে সহজ কথা নহয়। নিজৰ সপোন পূৰণৰ লগে লগে আন্তৰ্জাতিক মেচ খেলাৰ চাপো থাকে। সফল হ’ব নোৱাৰিলে কেৰিয়াৰলৈ শংকাও নামি অহাৰ সম্ভাৱনা আছে।
কিন্তু আইপিএলত খেলা ভাৰতীয় ক্ৰিকেটাৰসকল যেন ভিতৰি পকি উঠা একো একোজন নিপুন যুঁজাৰু। ইয়াৰ উৎকৃষ্ট উদাহৰণ হ’ল ইষান কিষান।
দেওবাৰে আহমেদাবাদত দ্বিতীয়খন টী-২০মেচত ইংলেণ্ডে ভাৰতৰ সন্মুখত ১৬৪ৰাণৰ লক্ষ্য বান্ধি দিয়ে। ভাৰতে ১৬৫ৰাণৰ লক্ষ্য অনুসৰণ কৰি প্ৰথমতেই ৰাণ কৰাৰ পূৰ্বে ফেভলিয়নলৈ উভতে অপেনাৰ লোকেশ ৰাহুল।
কিন্তু মুম্বাই ইণ্ডিয়ানছৰ হৈ আইপিএল খেলা ইষান কিষান ইংলেণ্ডৰ বলাৰসকলৰ ওপৰত আক্ৰমণাত্মক হৈ পৰে। ৩২ বলত ৫৬ৰাণৰ এক দৰ্শণীয় ইংনিছ খেলে নৱাগত তৰুণ প্ৰতিভাৱান ক্ৰিকেটাৰগৰাকীয়ে।
ৰছিদৰ বলত এল বি ডব্লিউ আউট হোৱাৰ পূৰ্বে তেওঁ ইনিংছত মুঠতে পাঁচটা চাৰি আৰু চাৰিটা ছয় কোবায়।
ইষান কিষানে এই ইনিংছৰ সহায়ত ভাৰতীয় ক্ৰিকেটৰ এলিট তালিকাত স্থান লাভ কৰিবলৈ সক্ষম হৈছে। অভিষেক মেচতেই শ্ৰেষ্ঠত্ব অৰ্জনৰ ক্ষেত্ৰত চতুৰ্থগৰাকী ভাৰতীয় ক্ৰিকেটাৰ হৈ পৰে ইশান।
ভাৰতীয় ক্ৰিকেটাৰৰ এই এলিটা তালিকাত স্থান লাভ কৰা চাৰিগৰাকী ক্ৰিকেটাৰ হ’লঃ-
১) ২০১৩ চনত জিম্বাবৱেৰ বিৰুদ্ধে –মোহিত শৰ্মা।
২) ২০১৮ চনত ৱেষ্ট ইণ্ডিজৰ বিৰুদ্ধে –পৃথ্বী শ্ব।
৩) ২০১৯ চনত ৱেষ্ট ইণ্ডিজৰ বিৰুদ্ধে-নৱদীপ ছাইনী।
৪) ২০২১ চনত ইংলেণ্ডৰ বিৰুদ্ধে ইশান কিষান।