ইজৰাইলৰ সেনাই দাবী কৰিছে যে গাজা চহৰক ঘেৰি পেলোৱা হৈছে। ইয়াৰ উপৰিও গাজাত আবদ্ধ হৈ থকা পণবন্দীসকলক সহায় কৰিবলৈ গাজাৰ আকাশত ড্ৰোন উৰুৱাইছে আমেৰিকাই।
ইতিমধ্যে জনা গৈছে যে ইজৰাইলী সেনাই পশ্চিম পাৰৰ শৰণাৰ্থী শিবিৰত হামাছৰ উগ্ৰপন্থীৰ সৈতেও গুলীয়াগুলি আৰম্ভ কৰিছে। গাজাত হামাছৰ বিৰুদ্ধে যুঁজি থকাৰ সময়তে ইজৰাইলৰ চাৰিজন সেনা জোৱানৰ মৃত্যু ঘটিছে।
উল্লেখ্য যে ২৭ অক্টোবৰৰ পৰা ইজৰাইলে গাজাৰ ভূখণ্ডত অভিযান চলাই আহিছে। ইয়াৰ পূৰ্বেও গাজাৰ উত্তৰ অংশত কেইবাটাও উগ্ৰপন্থী ঘাটিত আক্ৰমণ কৰা হৈছে। শুকুৰবাৰে ইজৰাইল সেনাৰ মুখপাত্ৰ ডেনিয়েল হাগাৰীয়ে কয় যে গাজা চহৰ সম্পূৰ্ণৰূপে ইজৰাইল সেনাই ঘেৰি ধৰিছে।
লগতে পঢ়কঃ আমেৰিকাত ধৰা পৰিছে দেশখনত অবৈধভাৱে প্ৰৱেশ কৰিবলৈ যোৱা কমেও ৯৭০০০ ভাৰতীয়
সদ্যহতে যুদ্ধবিৰতিৰ কোনো উল্লেখ কৰা হোৱা নাই। প্ৰসংগক্ৰমে আমেৰিকাৰ ৰাষ্ট্ৰপতি জো বাউডেনে জনায় যে কিছুমান বিশেষ অঞ্চলত যুদ্ধবিৰতিৰ ব্যৱস্থা কৰিব পৰা যাব।
বাতৰি অনুসৰি, গাজাত ইজৰাইলৰ আক্ৰমণত নিহত লোকৰ সংখ্যা ৯ হাজাৰ অতিক্ৰম কৰিছে। ইফালে গাজাত বসবাস কৰা বিদেশী নাগৰিকে এই ভূখণ্ড এৰি পলায়ন কৰিছে। নৱেম্বৰৰ আৰম্ভণিৰ পৰাই ৰাফাহ হৈ গাজা সীমান্ত পাৰ হৈ আহিছে। এই পৰিস্থিতিৰ মাজতে গাজাৰ আকাশত আমেৰিকাৰ ড্ৰ’ন দেখা পোৱা গৈছে। আমেৰিকাই কয় যে গাজাত আবদ্ধ হৈ থকা পণবন্দীসকলক সাহায্য প্ৰদানৰ বাবে এই ড্ৰ’ন প্ৰেৰণ কৰা হৈছে।
লগতে পঢ়কঃম্যানমাৰ সীমান্তত থকা চহৰৰ নিয়ন্ত্ৰণ হেৰুৱাইছে সামৰিক জুন্টা বাহিনীয়ে
আনহাতে, হামাছৰ সৈতে হোৱা যুদ্ধত আৰু চাৰিজন ইজৰাইলী সৈনিকৰ মৃত্যু হোৱা বুলি জনা যায়। ইতিমধ্যে ভাৰতীয় মূলৰ এজন জোৱানৰ মৃত্যুৰ খবৰো আহিছে। ইজৰাইলৰ আক্ৰমণৰ ফলত গাজাত কমেও ৯ হাজাৰ লোকৰ মৃত্যু হৈছে বুলি গাজাৰ স্বাস্থ্য মন্ত্ৰালয়ে প্ৰকাশ কৰিছে। আহত লোকৰ সংখ্যাই ৩২ হাজাৰ অতিক্ৰম কৰিছে।
